No.4353/2020-2021   

1. Bungraw phur motor, AMC area Lockdown avanga Aizawl Municipal Corporation (AMC) area pawna awmte chu, a bungraw neitu (Consignee) in DC, Aizawl hnena phalna Iain AMC area chhunga an bungraw phurhte hlan thlak theih a ni a. AMC area paltlang turte pawhin chutianga phalna la chuan an paltlang thei ang.

i. Phalna hi bungraw neituin online-in https://curfewpass.ssdd.in ah a dil theih a. He portal hmang thei lote'n dilna lehkha ziakin, chu lehkha chu a thlalak fiah tha taka lain Whatsapp number 9612317380 emaw 9862680482 emawah thawn theih a ni bawk.

ii. Dilnaah chuan a diltu hming, address leh whatsapp-na mobile number, Motor type (truck/van, etc.) leh Registration No., Driver leh a chuang ve mi dangte hming leh mPass ID Number tarlan tur a ni. AMC huam chhunga bungraw hlan thlak tur nei chuan bungraw hlan thlakna tur hmun address chiang tak sawi Ian tur a ni. Aizawl paltlang tur pawhin paltlang tur an nih thu an tarlang bawk ang.

2. Bungraw hlan thlakna hmunah:

i. AMC area chhunga bungrua hlan thlak tur phurtu motor chu kawng lakah din khawmuan awih a ni lo. Bungraw hlan thlak laiin a tul tawpah lo chuan motora chuangte motor atanga chhuk emaw, mi dang hnaihah emaw awm loh tur a ni a. Bungraw hlan thlak fel veleh an chhuak leh nghal tur a ni.

ii. Contact Tracing leh thil dang avanga inkharkhip mek Veng chhunga mite chu bungrua hlang thla turin chutiang Veng pawna hruai chhuah loh tur a ni.
Inkharkhip mek Veng chhungah bungrua hlan thlak a tul chuan, chutiang Veng chhunga chengte emaw, inkharkhip Veng pawn hmun danga mi, mi dangte nena in awm pawlh lova hmun khata chengte emaw chauhvin bungrua te chu an hlangthla tur a ni.

iii. Bungraw khawihtute hian uluk taka social distancing vawngin mask an vuah vek bawk ang a. Hna thawh zawhah an in-sanitize vek bawk tur a ni. He mi chungchangah hian bungraw neituin mawh a phur ang.

3. AMC area paltlang phalna pekte chuan AMC area chhung khawi hmunah mah ding khawmuang lovin an kal tlang zel tur a ni.