No.1859/2020-2021 

Order - Addendum of Lockdown 6 O.PDF

Mizoram Chief Secretary Pu Lalnunmawia Chuaungo, State Disaster Management Authority, State Executive Committee Chairman ni bawk chuan vawiin khan thupek tichhuakin Mizoram Sawrkarin Order No.B.13021/101/2020-DMR/Pt-III dated 08.06.2020 hmanga lockdown inkaihhruaina siam chu a hnuaia tarlan ang hian tihdanglam hlek a ni a, a bak zawng chu a ngai anga kalpui tur a ni ang.

1. Order a total lockdown hun chhung “00:00 hours of 22.06.2020" tih chu “23:59 hours of 22.06.2020" tih a siamthat a ni a.

2. Clause A hnuaia sub-clause 2 chu hetiang hian thlak a ni -

"Inter-State border khar mekte chu khar chhunzawm an ni ang. Lengpui Airport erawh chu thu leh awm hma chuan hawn chhunzawm a ni ang"

3. Clause D hnuaia sub-clause 2-a "Attachment-2” tih chu "Attachment-1” tiha thlak a ni. Hei bakah hian, "Hnawthawktute veivahna thilah erawh chuan LLTF/VLTF te hriatpuina lak tur a ni ang" tih chu belh tur a ni.

4. Clause F hnuaiah hetiang hian sub-clause 4 belh a ni -

"Aizawl Municipal Area leh District Headquarter atanga feh turte chuan zing dar 4:30 atanga zing dar 7:00 inkarah khawpui an chhuahsan fel hman tur a ni a, tlai dar 5:00 atanga dar 7:30 inkarah an in an haw thleng fel leh tur a ni. Hetianga feh chhuak turte chuan ziakin an chenna veng LLTF/VLTF te hriatpuina an la hmasa tur a ni. Hemi hunbi vawng thei lo te tan feh chhuah phal a ni lo. Khaw dang zawngah erawh chuan huan lo ram hnathawh chungchangah khuahkhirhna a awm lovang"

5. Clause J hnuaia sub-clause 2 "Hnathawktu te  veivahna  thilah  erawh  LLTF/VLTF  te  phalna  leh hriatpuina lak tur a ni ang" tih chu hetiang hian thlak a ni -

“Hetiang hna kal laklawh te hi LLTF/VLTF te hriatpuina-a chhunzawm theih a ni anga, hnathawktute veivah chungchang pawh anni remtihna anga kalpui tur a ni".