No.1054/2021-2022 

Dated Serchhip, the 20^th June, 2021: Lockdown pawhsei kal zela Serchhip District chhunga inkaihhruaina hetiang hian Bawrhsap Pu Kumar Abhishek, IAS chuan a ti chhuak.

Mizoram Sawrkar, Disaster Management & Rehabilitation Department Order No.B.13021/101/2020-DMR/Vol-IV dt.18.06.2021-in Mizoram puma hman tur inkhuahkhirhna Clause A-in a sawi chu Serchhip District pumah hman nghal tur a ni.

He Sawrkar Order-a Clause C-in Deputy Commissioner/DDMA-te thuneihna a pek angin COVID-19 hrilêng hluar zêl tur laka mipuite him nan a hnuaia inkaihhruaina thupekte hi ni 21.06.2021 zîng dâr 4:00 AM atanga ni 30.06.2021 zîng dâr 4:00 AM thleng Serchhip District chhûngah thahnemngai taka zawm vek tur a ni.

A. DISTRICT HEADQUARTERS CHHUNGA ZAWM TUR

I. Mipui vantlang tana inkhuahkhirhna hriat turte:

 1) Hemi inkhuahkhirh hun chhung hian office kal tur leh phalna neite bak chu tumahin mahni in/compound an chhuahsan tur a ni lo va, building khata in hrang hrang luahte leh thler khata chengte pawh intlawhpawh loh tur a ni. VLTF leh Executive Duty-ten an huam chhungah inlenpawh an awm loh nan an huam chhung fangin khauh takin hma an la ang.

2) Tûl bîk thil avanga chhuah ngai – damdawi lei tur, ni tin mamawh lei tur leh doctor hnena inentir turte chuan an awmna VLTF-te phalna ziaka la hmasain, VLTF-ten ruahmanna an siam angin an chhuak thei ang, An tih tur an tih zawhah hàw lehnghal tur a ni.

3) Lirthei hmanga veivah khap tlat a ni a. Mahse hei hian point V-a inkhuahkhirhnain a huam loh tarlante chu a huam lo ang.

4) Zan dar 7:00 PM atanga zing dar 4:00 AM chhung curfew a ni.

II. Dâwr leh hnathawhna hmun chungchang:

 1) Eichawp dawrte chu ni tin zing dar 5:00 am atanga zing dar 10:00 am thleng VLTF-te ruahmannain a hawn theih ang a, zing dar 10:00 am hnu lamah chuan dawrte hi hawn phal a ni lo.  Heng dawr/thil zawrhna hmuna zawrh tur bungruate hi VLTF hriatpuinain eichawp dâwr hawn rual hian retailer-ten distributor/wholesaler hnen atangin an lam khawm thei ang.

2) Thlai/chawhmeh leh thlai chi/tiak leh agriculture leh horticulture kaihhnawih bungraw zawrhnate chu ni tin zing dar 05:00 am aṭanga tlai dar 05:00 pm thleng hawn theih an ni ang. Sa zawrh chungchangah VLTF-tin ten an vengchhung mamawhna ang zelin ruahmanna an siam ang.

3) Heng a hnuaia dâwr tarlante hi zing dar 05:00 am atanga tlai dar 05:00 pm thleng hetiang hian hawn theih a ni ang. Heng dâwr pan turte hian anmahni VLTF-te phalna (movement permit) an la hmasa tur a ni.

4) Veng danga chawhmeh ilo lei tura kal a ngaih loh nan VLTF tinten anmahni veng chhungah chawhmeh zawrhna tur ruahmanna an siam ang.

5) VLTF-ten thlai/chawhmeh zuarte thutna tur hmun fel takin an ruahman ang a. Bazar kalte thâwl tak leh midang nena inhnaih lova an bazar theih nan thlai/chawhmeh zuartute ṭhutna inkarah feet 6 tal hmun âwl an zuah zel tur a ni. 6) A ṭul dan azirin veng chhunga vantlang hmun âwl zau ṭha/kawngpui/school compound te pawh thlai/chawhmeh bazar atan an hmang thei ang.

7) Thlai/chawhmeh bazar leh dawrte hi tlai dar 5:00-ah khar ngei ngei tur a ni. Tlai dar 5:00 pm pelh hnuah tumah bazar kal tura chhuahvah phal a ni lo.

III. Sawrkar office leh a kaihhnawih:

 1) Sawrkar hnathawkte, Serchhip District chhungah, Chairman, DDMA/Deputy Commissioner, Serchhip-in Covid-19 Executive Duty tana a ruat tih lohte chu Covid Appropriate Behaviour (CAB) (Annexure-I & II) tha taka zawm chunga Sawrkar Office kal tur a ni.

2) Sawrkar hnathawk leh sawrkar sum atanga hlawh late chu COVID-19 duty turin a tûlna apiangah hman an ni ang. Hetianga duty tura ruatte hian an duty-na hmun turah tlai lovin an thleng thin tur a ni.

3) Department emaw ofice dangte emaw nena indâwr tulna thilah chuan email emaw electronic media dang emaw hman hram hram tur a ni.

4) Mipuiin Sawrkar Department-te râl khat atanga an dawr theihnaah Department tinin information technology an hmang tangkai tur a ni.

IV. Hmasawnna hnathawh chungchang

1)   District headquarters-ah chuan mahni in/compound chhunga hnathawktu leh hmanraw awm sate hmangin hnathawh phal a ni a. Veng dang atanga hnathawktu rawih a ngai a nih chuan hna neituin mahni awmna veng/khua VLTF-te hnenah thlenin, VLTF-ten hnathawktu tur awmna veng/khua VLTFte nena inberawnin ruahhmanna an siam thei ang.

2) District Headquarters-a mi hmasawnna hnathawh hrang hrang, quarry-a lung lâk, kawng laih, lei dawh, tui lak, adt. chu khuahkhirhna awm lovin kalpui theih a ni ang. Amaherawhchu khawpui leh an hnathawhna hmun inkara veivah chhên phal a ni lo.

3) District headquarters-a chêng/khawsa, lo leh huan neitu te, ran vulhtu te, sangha dil neitu te leh a thawktu te chu phalna hranpa lak ngai lovin an hna thawh phalsak an ni a, lo/huana hna thawk tura ram riah pawh phal a ni. Hmun khata mi 5 (panga) aia tam awmkhawm erawh chu khap a ni. Lo/huana kal/feh turte chuan zing dar 9:00 hmain khaw chhung an chhuahsan hman tur a ni a, tlai dar 4:00 hmaa khaw chhung an luh phal a ni lo. Amaherawhchu, nilenga hnathawh ngai lote tan chhun dar 12:00 leh chawhnu dar 1:00 inkarah khaw chhungah haw phal a ni. Tin, huan/loa feh turte reng reng chuan police/COVID-19 Executive Duty/VLTF-te check theih turin anmahni veng/khua VLTF-te hriatpuina lehkha an keng ngei tur a ni.

4) Mahni ina thil siamna (home based industry) - carpentry workshop, steel fabrication workshop, bakery, puan thuina, puan tahna leh hetiang lam thil thawhna hmunahte chuan a awm chilhtu, hnathawktute tan hnathawh phal a ni a. Amaherawhchu, mahni in atanga veng danga hnathawhna hmun pan ngai a nih chuan hnathawhna hmun hrang hrang sawi lan takte chu a neituin VLTF-te biain VLTF-te ruahmanna angin hna thawh theih a ni ang.

V. Inkhuahkhirhnain a huam lohte:

1) Places/Vehicles (hmun/lirthei):

 (i) Hospital, nursing home, clinic, laboratory, OST Centre, OSC, ART Centre, blood bank leh damdawi dawr.

(ii) Veterinary hospital, dispensary, clinic, zoo leh hatchery.

(iii) Bank, non-banking financial institutions, insurance, ATM leh post office.

(iv) Petrol/diesel filling station leh LPG storehouse.

(v) Fair price shop/ration dawr leh FCS&CA Department/FCI hnuaia godown te. (vi) Covid-19 duty-te hman taxi leh rental motor.

(vii) Feed mill/ran chaw zawrhna dawr leh AH&VETY slaughter house.

Note: Heng hmun pan turte (thawktu ni lo, dawrtu) hian anmahni veng VLTF atangin veivah phalna (movement permit) an la tur a ni.

2) Services (Hna):

 (i) Covid-19 vaccination leh immunization programme dangte, ambulance driver. (ii) Animal disease control programme.

(iii) Postal service, blood donation camp/service, child and women helpline service.

(iv) Kohhran hna tûl zual thawk tura Kohhran office kal leh kohhran hotute programme pawimawh bik.

(v) Nau pai, nausen pawm lai leh naupangte hnena nutrition (chaw tha) sem bakah nutrition sem tur godown atanga phurh chhuah leh sem darh.

(vi) Bawnghnute sem leh lâk khawm.

(vii) Power & electricity, water supply (mimal tui chawite huamin), sanitation leh solid waste management (hmunphiat leh bawlhhlawh paihte huamin), telecommunication, internet service, broadcasting leh cable service.

(viii) Print leh electronic media leh chanchinbu sem.

(ix) Bungraw load leh unload hna (5:30 PM  leh 4:00 AM inkarah).

(x) Private security service.

(xi) Medical emergency leh chhiahtawh thila awmna veng VLTF-te hriatpuina lehkha nena chhuah.

(xii) LPG delivery service.

(xiii) Courier service, e-commerce leh home delivery. Heng hian State pawn leh State chhunga dawrkaite leh sumdawngte bungrua, State chhunga thiar/siam chhuah tiamin, online emaw phone hmang emawa order lawk sate pêk (home delivery) leh e-commerce/home delivery kaihhnawih hna ṭul thawk tura an inhawn a huam a ni. Tin, bungraw dahtu (delivery person) chuan Covid Appropriate Behaviour (CAB) tha taka zawm chungin mi inchhûnga lût lovin an thil semte chu an pe tur a ni.

(xiv) COVID-19 kaihhnawiha duty-te.

B. District Headquarters pawn lam inkhuahkhirhna chungchang:

 District Headquarters pawn lamah chuan Sub-Divisional Officer (Civil)-te kaihhruaina hnuaiah Sawrkar aiawhte leh VLTF-ten an dinhmun uluk taka zir chiangin he Order-a Clause A zulzuiin inkaihhruaina siamin an kalpui ang.

Serchhip town area pawn lam, Serchhip RD Block huam chhung khuate kal dan tur chu Clause A zulzuiin Block Development Officer, Serchhip-in a tul angin ruahmanna a siam ang.

C. Veng leh khaw bil inkhuahkhirhna:

 He order/inkaihhruaina thupekin a huam baka vêng bil emaw khaw bil emaw tana inkhuahkhirhna khauh zawk neih a tul a nih chuan, a chhan leh vang chiang taka ziakin VLTF-ten Serchhip town area bikah chuan Deputy Commissioner hnenah rawtna an siam thei ang. Serchhip RD Block huam chhung, Serchhip town area pawnah chuan BDO, Serchhip hnenah rawtna an siam thei ang. Chutiang bawkin, Thênzâwl leh North Vanlaiphai Civil Sub-Division area-ah te chuan mahni area Sub-Divisional Officer (Civil)-te hnenah rawtna an thlen thei ang.

VLTF-ten Deputy Commissioner/DDMA order No.13018/1/2021-DC(SRCP) dt.11.06.21 chu veng leh khaw bil inkhuahkhirhna chungchangah an zawm tlat tur a ni a. Inkhuahkhirhna hranpain curfew/lockdown/containment area/restricted area puan loh tur a ni. Containment area/restricted area puan ngai a awm a nih chuan State Government ruahmanna dinglai angin a tul angin District Magistrate-in a puang ang.

D. Hremna dan

 Heng inkhuahkhirna thupêkte hi khauh taka kengkawh turin COVID-19 Zonal Officers, Police Duty, Executive Duty Team-te leh VLTF-te kan inhriattir a ni.

Dân zawm lote chu Disaster Management Act, 2001 Section 51 atanga 60, the Mizoram (Containment & Prevention of the spread of COVID-19) Act, 2020 leh IPC Section 188 hmanga hrem theih an ni.