No.2323/2020-2020

COVID-19 darh zel tur venna atana hmalak dan tur total lockdown thupek chu Lehkha No.B.13021/101/2020-DMR/Pt-III Dt. 21.06.2020 hmangin Mizoram Sorkar in a chhuah a. District Level Task Force, Lunglei District meeting Dt.22.6.2020-a neih chuan Sorkar thupek behchhana Lunglei District tana Inkaihhruaina hran siam lovin sorkar order hi a nih anga hman nise tiin a rel a. 

Chuvangin a chunga saws Sorkar-in Dt. 21.06.2020-a lockdown order a chhuah hi Lunglei District-ah Dt.23.6.2020 - 30.6.2020 chhung atan hman tur a ni a, Order-in a sawi inkaihhruaina zawng zawngte zawm vek tur a ni. 

He Order chungchanga hriattur pawimawh zual a hnuaiah hian tarlan a ni. 

1. Sorkar thupek chhuahin dawr inhawn a phalsakte chauh an inhawng thei anga. Dawr inhawn phalsakte an inhawn dan tur chungchangah Village Level Task Force (VLTF)-in an area chhung atan ruahmanna an siam anga. An ruahmanna siam dan chu Deputy Commissioner & Chairman, District Level Task Force, Lunglei District hnenah an thehlut ang. 

2. Lockdown order-in pawnchhuah a phalsakte ni lo chu pawnchhuah phal a ni lova. Lirthei hmanga mipui chetvel khap a ni. Sorkar order-in a phalsakte erawh a huam lovang. Tul bika pawnchhuak tur chuan mahni awmna VLTF phalna an la hmasa tur a ni. VLTF-in chhuah phalna a pek hian lirthei-a an chhuah phalna pawh a keng tel thei nghal ang. 

3. Pawn chhuak reng reng leh dawr hmuna awmten heng Sorkar thupek leh inkaihhruainate hi an zawm ngei tur a ni. 

a) Face mask emaw hmanraw dang hmangin hmai tuam an tur a ni. 

b) Mi 3 aia tamin dawr pakhat an nghak tur a ni lova, wholesale dawr leh dawr Lian (Departmental Store)-ahte chuan mamawh dan azirin godown/ store lama thawktu nen mi 6 thleng chhawr theih a ni anga, a zat tur chu dawr awmna veng VLTF in a bituk ang. 

c) Dawr nghaktu ten face mask an hmang reng tur a ni a, kut silfai an uar tur a ni. 

d) Dawr neituten dawrtu turte dinna tur, metre hnih kar danah an rin lawk tur a ni a, dawr chhungah pawh metre hniha inhlatin an awm tur a ni.

e) Thlai leh chawhmeh dang zuarten an thil zawrhte fai takin an enkawl tur a ni a, thil zuar ten hmai an tuam ngei tur a ni. 

f) Thlai, thei leh sa zawrhna VLTF ten an ruahmannaah mipui dinna tur metre hnih danah rin tur a ni. 

A chunga hriattur pawimawh tarlan leh Sorkar-in lockdown thupek leh inkaihhruaina a siamte zawm lo chu The Mizoram (Containment & Prevention of Covid-19) Ordinance, 2020 Section 5, Disaster Management Act, 2005 Section 51 atanga section 60, IPC section 188 hmangin hrem theih an ni.