No.416/2020-2021 

April ni 15, 2020-a Rural Development Department-in inkaihhruaina a tihchhuah chhunzawmin leh April ni 17, 2020-a Union RD Secretary-in Video Conference kaltlanga thuchah a sawi angin a hnuaia inkaihhruainate hi Lockdown thawhhnihna chhunga MGNREGS kalpui dan tur atan Mizoram Sawrkar Rural Development Department chuan a siam.

1. Chief Secretary, Government of Mizoram in April ni16, 2020-a thuchhuah a siam angin Lockdown thawh hnihna chhung hian MGNREGS hna te hi thawh phal a ni a. Amaherawhchu, DPO/PO/VEC ten heng a hnuaia mite hi hnathawh tan hmain ruahhmanna fel tak an nei hmasa tur a ni a, heng te hi fel takin hnathawhna hmunah zawm ngei a ni tih an chian hnuah chauh MGNREGS hnate hi thawh tan chauh tur a ni:-

a) Social Distancing (Feet 6 kar dan theuha inhlata hnathawk te awm tir) hi khauh taka kal pui a ni ngei tur a ni.
b) Hnathawktuten hmaituamna (Face mask) an vuah ngei ngei tur a ni.

c) Hnathawhna hmunah kutsilfaina tur tui leh sahbawn, hnathawkte daih a awm ngei tur a ni.

d) MGNREGS hnathawhna hmunah Tobacco atanga siam meizial, Gutkha leh Pan lam chi reng reng tumahin an hmang/khawih tur a ni lo a. Tumahin Chil an chhak tur a ni lo.

2. Union RD Secretary thuchhuah angin  April ni 28, 2020 hmain Non-containment Zone/Green Zone-a MGNREGS hnathawh phalna hmun District-ah te hnathawh tan hmain District Magistrate/DPC te rawn chung leh Ministry of Health Department, Govt. of India in Covid-19 chungchanga mipuite himna tur thuchhuah a siam hrang hrang te zawmin District Plan leh Worksite Plan te Project Director/ DPO leh BDO/PO ten an siam vek tur a ni a. District Plan hi District Magistrate remtihna (Approval) lak tur a ni. District leh Worksite Plan felfai tak nei hmasa lo chuan hnathawh tan ngawt tur a ni lo. Heng Plan siamte hi April 28, 2020 hmain MGNREGS State Cell-ah copy thehluh vek tur a ni.

3. Ministry of Health Department, Govt. of India-in April 15, 2020-a thuchhuah (Copy enclosed) Hotspot/Containment Zone-ah te eng hna mah Lockdown chhung hian thawh phal a ni lo thung. (He lehkha ang hi chuan Mizoram chhungah Aizawl District chiah hi Non-hotspot reporting cases District a ni).

4. Hemi hun chhung hian MGNREGS hnuaiah Irrigation and Water Conservation hnaah te in sawrbing bik tur a ni.
5. Ministry of Rural Development, Govt. of India in hemi chungchang inzirtirna tawi (Video & Audio Clip) a rawn tichhuak dawn a. Hei hi dawn a nih veleh MGNREGS hnuaia Job Card holders-te leh hnathawktu zawng zawngte hnenah uar thei ang berin puan zar tur a ni.

6. Hnathawh thlalak leh geo-tagging zawng zawngah a chunga sawi tak, Social Distancing, Face Mask vuah, Sahbawn hmanga kut silfai, Tobacco product hman loh etc te khi chiang takin thlakin a tarlang (depict) ngei ngei tur a ni a. Geo-tagging thlalakah a chunga inkaihhruaina te zawm lo thalak pakhat mah uploàd loh tur a ni.

7. MGNREGS hnuai ahnathawktu leh Job Card holders zawng zawng te himna leh nunna te hi dinhmun hlauhawmah kan dah tur a ni lo a. A chung inkaihhruainate hi fel taka zawm a nih leh an himna ngaihtuah hnuah chauh hnate hi thawh tan tir tur a ni.

8. MGNREGS hnuai Job Card holders Covid-19 kai hlauh avanga hna thawk hreh te chu Lockdown chhung hian hnathawh luih tir kher tur a ni lo a, an himna ngaihtuah hmasak phawt tur a ni.