No.70/2020-2021
Covid-19 laka invenna tura theihtawp chhuah a nih lai hian Lo lam leh huanah te hunbi nei hna, nghak khawmuang lova thawh ngai chi a awm a. Tuna heng hnate hi thawh anih loh chuan nakinah harsatna kan tawk dawn a.
Hetiang hi thil awmdan anih avangin Sawrkar lehkha Number CS/MIZ/DC/2020 Dt 31.03.2020 thuchhuak ang leh lehkha no hmanga Ni 28.03.2020-a hriattirna alo chhuah tawh angin Lo/huana hna pawimawh leh tul thawktura feh leh thlai thar la tura an chhuakte chu dan loh tur a ni.
Lo/huana hnathawk tura feh te chu a huho lovin, pakhat emaw, pahnih emaw- an feh phalsak tur a ni a, silai an keng tur a ni lo. Hna tul thawk tur nilova rama vah chhuah hrim hrim leh silai kenchhuah te phal a ni lova. Hri leng thei laka invenna atana sawrkarin thu a chhuahte leh VLTF-in kaihhruaina dang a siam dangte chu zawm zel tur a ni ang.
