M.P Lok Shaba Pu C.L Ruala Member Standing Committee on Petroleum and Natural Gas, chuan nimin khan Meidum a ONGC ten Oil an laihna hmun a tlawh.

Pu C.L Ruala chuan  Mizoram tan mai bakah India ram Oil tlak chham na zual zel karah theih tawp chhuah atul thu a hrilh a, an harsatna tawh te a hnen thlen hrehlo tur in a chah a, a tul anga Member Standing Committee on Petroleum and Natural Gas anih angin Central lamah pawh bawhzui pui atiam bawk.

ONGC General Manager Dr.D.N.Singh chuan Mizoram chu ONGC te tan Potential candidate ram anih thu sawiin, beiseina sang tak an neih thu asawi a, Oil a awm tih hre mahila khawi lai hi nge laih chhuah na atan a tha ber ang tih hi kan ngaih tuah na a pawimawh ber anih thu asawi bawk. Pu Singh chuan tun dinhmun ah 3817 Meters an verh tawh thu sawiin, 3500 mt. chu an target hmasa anih thu leh hemi an laih thlen hian beisei anneih thu asawia, tun dinhmun ah sawifak theih nilo mahse engemawber(Gas, Oil) ah chuan beiseina sangtak anneih thu leh, a sample te la in ONGC hmunpui lamah an thawn thlak thu sawiin reilo te ah a result puan theih anih tur thu asawi bawk.

Pu Singh-a chuan hetia hmun pui a a sample atanga a result an nghah chhung hian 4300Meter verh thleng turin kan chhun zawm reng a, 4300 mt ah kan duhtawk in hemi chin ah hian anih tur ang engkim ani tawh dawn ani ati bawk 4300mt hi September thla bawrvel ah chuan verhthlen an in beisei thu asawi bawk.

Dr. DN Singh hi Atul Gupta Deputy General Manager leh Engineer dang ten an tawiawm a, Pu C.L rual a hi MPCC Media Department ten an tawiawm a, Dr.H.Lallenmawia Jt Director Directorate of Mineral Resources pawh a tel bawk.