No.3563/2020-2020

Vawiin khan Lok Sabha MP Pu C.Lalrosanga'n Mizoram State Planning Board Vice Chairman, Pu H Rammawi lehkhabu ziah "Genting Highlands" a tlangzarh.

Planning & Programme Implementation Department Conference Hall-a lehkhabu tlangzarh inkhawm ah hian thusawiin Pu C.Lalrosanga, Lok Sabha MP chuan hun harsa leh khirh tak kan tawng chho mek a, hei vang hian kan zavaia kan fimkhur a ngai a ni a ti a; Mizo thalai te chu kan ram ah leh mi ramah tumruhna leh taimakna chauhin kan ram leh ram dangah pawh an hlawhtling thei a ni a ti.

"Genting Highlands" ziaktu Pu H.Rammawia, Vice Chairman, Mizoram State Planning Board chuan lehkhabu a ziahna chhan chu Mizo thalai ten an entawn atan ani a ti a. Rehtheihna leh harsatna karah pawh taimakna leh tumruhna nen a takin he lehkhabu ah hian a hlawhtlin theih tih a in ziak a, chu chu thangtharten an zir a duh thu a sawi.

Pu L.Thangmawia, MLA-in tlangzarh inkhawm hi a kaihruaia, Dr.K.Beichhua, Social Welfare Minister, Pu Vanlaltanpui, Chairman Mizoram Youth Commission leh MLA engemawzat an tel a ni.

Vawiin a tlangzarh lehkhabu "Genting Highlands" hi Mizoram Journalist Association (MJA) General Headquarters, Aizawl Library-a dah turin bu 2 pek nghal a ni.