Vawiin khan  Lok Sabha MP Pu C.Lalrosanga chuan Mizoram chhunga ramri dep kawng siamtu BRO Project Pushpak chu an hmunpui Thuampui, Aizawl ah a tlawh a, hetah hian Pushpak Chief Engineer Manv Prasad leh Officer rual ten Lok Sabha MP hi an lo dawngsawng a ni.

Pushpak hotute chuan Mizoram hmun hrang hrang a kawngpui an siam leh an enkawl mek te chipchiar taka Lok Sabha MP hi hrilhfiahin harsatna an tawh thin te pawh an thlen nghal a. Mizoram hmun hrang hrang a kawngpui an enkawlte chu a hun taka thawh zawh theih an duh thin a thu an sawi a, chutih laiin fur ruahtui vang ni lova kawngpui in a sut tlang tur ram neitute nen inremna mumal neih a har thin avangin kawng siam zawh hun tura ruahmanah an zo hman thin loth bakah kawng siam tura ruahman leh thawh mek te pawh an chawlhsan a tul thin thu an sawi. Ram lak (Land Aquisition) atan hian pawisaah harsatna an neih lemloh laiin a hmunhma chingfel tur hian harsatna an tawk thin a, hetiang harsatna hi awm lo se dan ang thlapa thil kalpui a nih chuan compensation pek chungchangah harsatna a awm ngai dawn lo tih an sawi bawk. Lok Sabha MP Pu C.Lalrosanga chuan BRO Project Pushpak ten an harsatna a hnena an thlen te chu tha taka dawngsawngin Mizoram chhunga inkalpawhna kawngpui pawimawh tak tak BRO ten an siam mek na a an thawhrimna te fakin, hmasawnna hnuk pawimawh tak kawngpui ?ha kan neih hi kan thlahlel hle a ni a ti a, chumi atan chuan theihtawp an chhuah zel  a beisei thu leh an harsatna te chu a rang thei ang bera Defence Ministry ah a thlen tur thu Pushpak hotute a hrilh a ni.

Pushpak a tlawh hnu hian Pu C.Lalrosanga chuan Zokhawsang a Assam Rifles te insawnna tur hmun  buatsaih mek chu a tlawh lehnghal a. Sipai chenna tur hmunhma leh in te hi kumin November thla chhung hian luah theih a peih hman an rinthu he building satu contractor ten an lo hrilh a, Lok Sabha MP chuan a theih anga chak leh tha a hna thawk tura a beisei bakah a hun taka luah thei tura chak taka thawk turin a hrilh a ni.