Direct Benefit Transfer for LPG kalpui mek chungchangah dan ang nilo a thil ti thin an awm ni a hriat a ni a. Hemi chungchang ah hian Director Food Civil Supplies & Consumer Affairs Mizoram chuan hetiang hian hriattirna a chhuah.

LPG Distributor zawng zawng ten a hnuaia mi ang hi an zawm ngei tur a ni. He order thu awih lo an awm anih chuan dang ang in an chungah action lak a ni ang.

1. Form fill up thiam lo te Distributor ten a theih ang ang in an tanpui tur a ni a, a man laksak tur a ni lo.

2. He dan thar (DBTL) hi April, 2015 a hman tan tur a nih avangin, a hun thlen hma chuan Distributor ten an buaipui tur a ni.

3. Hming ziah sual palh siam that nan leh mitthi tawh hming thlak nan pawisa chawi a ngai lova, midang ta leitu in ama hming a thlak dawnin pawisa chawi a ngai a, a connection lak na a rei leh rei lovah a innghah avangin Distributor-ten hming thlaktu chawi tur zat dik tak chhutna (calculation chart) copy consumer-te hnenah a pe tel ngei tur a ni. Calculation chart hi Showroom ah tarlan tur a ni.

4. Consumer, Voucher Card nei tawh lo/tibo te hnenah tihluihna in Affidavit lei tir tur a ni lo. Consumer in a duhna hmun (Affidavit siam theitu) a thlang thei a ni.

5. Consumer Card hi a ziahna tur hmun (Space) a awm tawh lo emaw a hlui lutuk tawh, a neitu in a thar siam tur a duh anih loh chuan Distributor-in Card a hralh duh vang ringawtin Consumer te a lei luih tir tur a ni lo.

6. Consumer-ten hming an thlak duhin hming pakhat thlak nan Affidavit pakhat chauh hman tur a ni.