Mizoram Sawrkar, FCS&CA Department chuan Kum 1999 vel atang khan LPG Home Delivery ti turin hma lo la tan tawh mah se, Khua/Veng hmunhma rem loh avangte, leh harsatna hrang hrang avangte in tun thlengin LPG Home Delivery hi kalpui theih loh in a la awm a. A chhan lian tak pakhat chu IOCL in Home Delivery atana pawisa charge (lak) theih a phal zat Rs. 18.75 per cylinder (tun hnaia Rs. 20.50) hi keini tlangram tan chuan a tlem lutuk vang a ni. 

LPG Home Delivery ti tur hian online booking (IVRS/SMS/Internet) tih a tul dawn a, consumer ten LPG distributor kal chilhin an book tir thei bawk ang. LPG online booking ti thiamlo te tan FCS&CA Department chuan video clip a siam a, a tul angin zirtirna neih mek zel a ni. IVRS/SMS/Internet hmanga gas cylinder book dan i lo hmelhriat ve atan kan rawn chhawpchhuak e (copy enclosed).

Mizoram Sawrkar leh FCS&CA Department chuan chak taka hma la in LPG direct Flome Delivery hi pilot project angin College Veng LPG Consumer thlanchhuah bik te hnenah September, 2019 atangin hlawhtling taka bul tan tawh a ni.

Tunah hian heng a hnuaia Veng/Khua ah Home Delivery kalpui chhunzawm turin dt. 11.10.2019 (Friday) 7:30 PM khan Home Delivery Awareness Campaign neih leh a ni a, Department Official te leh Mizoram Consumer Union ten an telpui.

1.     Zothan Indane, Luangmual Area, Zonuam

2.     Kapliana Indane, Kulikawn Area, Melthum

3.     Caravan Gas, Zemabawk Area, Falkland

4.     Suakchhunga Gas, Zarkawt Area, Dawrpui

Tin, heng bakah hian Sub-Committee of the Consumers' Advisory Committee dt. 3.10.2019 a thukhawm chuan hetiang hian LPG Home Delivery kalpuina tur a ruahmanin hmalak mek zel a ni e.

1.               Mizofed Gas, Aizawl Area, College Veng

2.               Biakkungi Gas, Chanmari Area, Aizawl Venglai

3.               Vanbuangi Gas Agency, Model Veng Area, Tuikhuahtlang

4.               V. Neihkunga Gas, Bawngkawn Area, Bawngkawn

5.               Zopuii Gas, Vaivakawn Area, Vaivakawn

6.               M&B Gas, Khatla Area, Khatla East

7.               Zoram Indane, Chaltlang Area, Chaltlang

Hetiang hian Sawrkar leh Department lam chuan a tahtawlin veng dangah pawh tihpuitlina hmalak chhunzawm zel a tum a ni.

I.      IVRS HMANGA LPG REFILL BOOK DAN :

Registration : Phone hmangin 9089024365 hi i phone ah SAVE phawt rawh

Phone Registration tih hmasak tur a ni. Hetiang hian -

•   I phone atang in dial rawh le... (Speaker On tur)

•   English atan 2 hmet rawh ..

•   Gas Agent phone number hmet rawh a rawn ti ang a...

•   Gas Agent phone number kha i hmet ang. STD code telin

•   Gas Agent hming a rawn sawi phawt ang a.

•   Confirm turin 1 hmet rawh a ti leh ang. 1 hmeh tur a ni.

•   I consumer number hmet rawh a rawn ti leh ang

•   Consumer No i hmet leh ta (Number hlang chauh hmeh tur)

•   Confirm turin 1 hmeh leh tur.

•   I Consumer number a rawn sawi ang, a sawi dik chuan i in register tawh tihna a ni.

 

Refill booking dan hetiangin--

Number hmeh tur hetiang hian a rawn sawi leh ang :

•    Refill booking ti turin 1 hmet ang che. (Gas i book ta der mai)

•    I book-na number muang changin a rawn sawi ang.

•    SMS Redg. Phone number ah a lo thleng zui bawk ang a.

•    Phone number i hman mek hi i register duh em i duh chuan 1 hmet rawh a rawn ti ang. 1 hmeh mai tur a ni.

•    IVRS Registration kan ti zo ta a, gas i book leh dawn hunah IOC tih hi Gas book-na number ah khan SMS tawh mai tur a ni.

 

II.     SMS HMANGA REFILL BOOK DAN:

•          Registration: No. 9089024365 ah hian hetiang hian SMS thawn tur a ni: IOC <STD Code+Distributor Telephone Number><Consumer number>. Entirnan, i distributor chu Kapliana Indane Agency (2325744) a nih a, I consumer number QX00827C lo ni ta sela, heti hian sms thawn tur a ni IOC 03892325744 QX00827C

•          Booking: No. 9089024365 ah tho hian SMS <IOC> tih hi thawn mai tur a ni.

•          Refill Booking i tih dawn a piangin : No. 9089024365 ah tho hian SMS <IOC> tih thawn tur.   

III.    INTERNET HMANGA REFILL BOOKING TI DUH TAN A HNUAIA LINK AH HIAN LUH MAI TUR A NI

https://indane. co. in/sms_ivrs.php