3486/2023-2024
Aizawl, the 24th January, 2024: Health & Family Welfare (H&FW) Minister Pi Lalrinpuii hmalaknain Mizoram Sawrkar Health & Family Welfare Department leh Sri Ramachandra Medical Centre, Chennai-te tangkawp chuan February ni 9-10, 2024 (Zirtawpni leh Inrinni) zing dar 9 atang hian OPD, State Referral Hospital/Zoram Medical College, Falkawnah Lung natna neite tan 'Free Cardiac Camp' a buatsaih dawn.
He camp kaltlanga Lung zai ngai hmuhchhuahte senso chu Sri Ramachandra Institute of Higher Education & Research, Chennai, Sastra University leh Sri Shankara Heart Foundation, Chennai te'n an tum dawn a. Hospital sensote, thlenna leh Chennai atanga haw lehna (return ticket) hi sponsor-tute'n an tum sak dawn a, kallam senso erawh mahni intum tur a ni thung ang. Damlo bakah anmahni hruaitu (attendant) pakhat thlenna leh hawna tum sak an ni bawk ang.
Free Cardiac Camp hi mipui nawlpui tan ni lovin Doctor-te'n lung zai ngai ni a an hmuhchhuahte leh enkawlna mamawhte tan bika duan a ni a. Registration hi inentir ni zing dar 9:00 atanga dar 11:00 chhungin OPD, State Referral Hospital/Zoram Medical College-ah tih tur a ni a; inentirna lehkha hlui ken tel tur a ni ang.
