Vawiin khan I&PR Conference Hall, Lunglei ah 11th Statistic Day 2017 hman a ni. Pu.H.Lalrinpuia, SDO(S) chu khuallian ni in a hmanpui. 

Inkhawm hi Pu.C.Vanlalmuana, District Research Officer, Lunglei in kaihruai a, Pu.C.Vanlalmuana chuan thu hma sawi in statistic thiam professor Prasanta Chandra Mahalanobis piancham 29th June chu India sawrkar in kum 2007 atang khan Statistical Day ah an hmang tan a ni a ti. Kumin thupui ah chuan Administrative Statistic tih a ni, a thiamna chu India ram tan hmang tangkai in Industry tih hmasawnna tur a rawn duang chhuak a, India ram hmasawnna turin a thiamna a hmang tangkai hle a ni a ti. 

Khuallian Pu.H.Lalrinpuia SDO(S) chuan Economics leh Statistic hi inthlunzawm a ni a, Statistic felfai tak neih loh chuan ram a changkang thei lo a ni. Planning fel tak duangtur chuan Data dik neih a ngai a, ram hmasawnna hrang hrang (Project) puitlin tur chuan Data fell eh dik siam a ngai a ni a ti. Statistic pawimawh lak khawm behchhan hian mithiam ten ram hmasawnna tura hmalak dan tur an ruahman thin a ni. Statistic lak khawm te chu a dik thlap a nih chuan hmasawnna hna a kaltluang thei a, a dik loh erawh chuan ram in hma a sawn thei lo a ni. Chhungkua pawh Data felfai tak nen a in enkawl chuan sum tam tak kan dahtha thei a ni a ti bawk. 

Pu C.Zairemthanga, Associate Professor, Lunglei Gov't College chu Resource Person ni in Statistic pawimawh dan sawi na a nei.