Tukin zing khan Police Station kawt, Venglai, Lunglei ah 31st Road Safety Week chu ‘Dan zawm hi himna a ni’ tih thupui hmangin hawnna hun hman a ni. Pu R. Vanrengpuia, Deputy Commissioner, Lunglei chuan khuallian niin week hi a hawng. Week hawnna ah hian sawrkar official-te, tlawmngai pawlte leh ZDU leh an hnuaia Driver Association hrang hrang hruaitute an tel a ni.

31st Road Safety Week hawnna inkhawm Pi Carolyn L.B Khiangte, District Transport Officer, Lunglei kaihhruaiah Pu R. Vanrengpuia chuan week thil tum te sawi zauin lirthei khalhtute leh neitute bakah mipui kawng kal (pedestrian)-te kawng hrang hranga in tuaithar a tul thu te, traffic dan zawm that te bakah hawihhawm taka lirthei thunun leh lirthei hun/dah/park a pawimawh thu te a sawi a. Lunglei ah hian lirthei a pung chak a, chetsualna a thlen loh nan kumin thupui ‘Dan zawm hi himna a ni’ tih hi driver zawng zawngin zawm vek turin a duh a, Week chhung chauh hi fimkhur nan hmang lovin , kumtluana zawm turin a chah bawk a ni.

Pu C. Lalthanmawia, MPS, Sr.Superintendent of Police, Lunglei pawh in thusawiin National Road Safety Council hmalakna in India ram pumah Road Safety Week hi kumtin hman thin a ni ,kawngpui hmang tute an him theih nan Central Sorkarin Road Safety Week hi a ngaipawimawh a, chuvangin kumtin hman thin a ni a ti. Lunglei District ah hian Fatal Road Accident (nunna chan na) kum 2018 ah vawi 7 thlengin mi 18 in nunna an chan a, kum 2019 ah accident vawi 5 thlengin mi 8 in nunna an chan a, kum 2020 ah mihring nunna 1 chan a ni a. Lunglei khawpuiah traffic control leh movement mumal tak kan neih theih nan sorkar, VC, YMA te thawhhona a tul a ni tiin Lunglei hi Model Town ah kan la siam thei a ni a ti bawk.

Pu Zairemthanga Sail, President, Zoram Drivers Union, pawhin thusawiin Pu Lalfakzuala, Vice. President, YMA, Sub-Hqrs, Lunglei kaihhruaiin Road Safety Week thutiam chhamna neih ani.

Motor accident laka kan him theih nan DTO chuan hengte hi zawm theuh turin a ngen a ni.

1. Rui chungin motor khal hauh suh ang che.

2. Driving License neilo chuan motor khalh loh tur a ni.

3. Fimkhur takin motor kawngpui kan thin ang che.

4. Motor khalh laiin mobile phone hman loh tur.

5. I thunun theih baka chakin lirthei khalh suh ang che.

6. Motor condition thalo reng reng khalh chhuah loh tur a ni.

7. Motor hi uanthuan nan leh intlansiak nan hman loh tur a ni.

8. Ke a kal ten fimkhur takin motor lokal ngaichang thin ang u.

9.Traffic Rules leh Regulations te thatakin zawm thin ang u.

10. Kan motor hlui kan hralh/ti ral dawn anih chuan Motor in tawh sual a tawh palh a kan buai loh nan hmingthlak (Ownership Transfer) tih ngei ngei bawk tur ani.