No.6570/2020-2021

Vawiin khan Mizoram Science, Technology & Innovation Council (MISTIC) buatsaihin Lunglei DC Conference Hall-ah sawrkar Department ten an hnathawna leh hmalakna hrang hranga Science & Technology an hman tangkai theih dan tur leh an mamawhte zirchianna leh inrawnkhawmna hun District Level Consultation Meeting on ‘Mapping of Science & Technology needs of States/UTs’ chu Video Conference hmangin neih a ni.

District Level Consultation Meeting-ah hian Lunglei District-a Department hrang hrang leh zirna in hotute telin Lunglei lamah Additional DC Pu R.Vanrengpuia’n kaihruaiin Aizawl lamah Pu Samuel Lalmalsawma, Senior Scientific Officer, MISTIC in a kaihruai a ni.

‘Mapping of Science & Technology needs of States/UTs’ hi sawrkar laipui Ministry of Science and Technology hmalakna niin a tum ber chu science and technology thiamna hmanga sawrkar department hmalaknate kawng hrang hranga tanpui leh tih chak a ni a. He Mapping exercise kaltlang hian Mizoram Science, Technology & Innovation Council (MISTIC) chuan District hrang hranga Department hotute kawmin an mamawhte leh an harsatna neihte sawipuiin science and technology thiamna hmanga heng harsatnate hi tanpui leh sutkian theih dan tur an ngaihtuah a ni. Mizoram District zawng zawng ah District Level Consultation Meeting neih zawh anih hnuah MISTIC chuan State Report siamin hei hi sawrkar laipuiah an thlen leh dawn a ni.

Vawiin program-ah hian Pu Joel Lalbiakkima, Scientific Officer, MISTIC chuan powerpoint presentation hmangin MISTIC hmalakna tlangpui leh ‘Mapping of Science & Technology needs of States/UTs’ chungchang kalkhawmte zirtirna hun a hmang a. Hemi hnu hian sawihona hun tha tak hman niin Department-te hian an mamawhte leh ngaih pawimawh te an thlen a. Thlai chin tur leh a chin dan tur chungchanga mumal taka research kalpui (research based cultivation), disaster management atana District Vulnerability mapping, Geo-tagging atana data tha leh chipchiar zawk neih, accounting leh auditing software, District chhunga internet signal tha zawk neih, drone leh technology dang hmanga hmasawnna hnathawh ruahmanna kalpui leh ngaih pawimawh dangte an sawiho a ni.