Vawiin chawhnu khan Lunglei Deputy Commissioner Pi Lalzarmawii, IAS hovin a office chamber ah dan lova Bangladesh atanga Mizorama lo lut te chungchang sawiho turin District Level Special Task Force Committee In Connection With Illegal Bangladeshi Migrants chu an thukhawm a. He thutkhawmna ah hian a kaihhnawih sawrkar department hotute bak ah 1^st Battalion BSF hotute leh YMA Sub Hqrs Lunglei hotute an tel a ni.

Pi Lalzarmawii chuan kalkhawm te lawmna thu sawi in District Level Special Task Force thutkhawm chhan sawi in Dan lova Bangladesh atanga Mizoram lo lut te hmuhchhuah leh ven kawng ah chak taka hmalak dan tur an sawi ho a. BSF hotute pawhin hemi kawng ah harsatna an tawh thin te sawi lang in, Indo Bangla Border Fencing chak taka hmalak, kawngpui tha, Lei dawh leh Border out post tam zawk neih a nih chuan Dan lova Bangladesh atanga Mizoram lo lut te ven a awlsam phah tur thu Commandand 1^st Bn BSF in a sawi. Birth certificate leh certificate dang pek chhuah chungchang ah fimkhur a tul thu sawi lan a ni bawk. Lunglei SP Pu J.Lalthafamkima, MPS chuan  Home Ministry Mizoram thupek angin Kawrpuichhuah ah Entry Check Post siam turin order  chhuah a nih thu sawi. Hemi chungchag ngaihtuah hian Tlabung Sub-Division ah SDO(C) chairman na hnuai ah Sub-Divisional Level District Task Force din ni in thutkhawmna tepawh neih a lo ni tawh a ni. Hmalak natur tul an tih te Mizoram Sawrkar Home Department ah thlen turin committee hian an rel bawk.