Vawiin khan Lunglei Dc Pu V.Sapchhunga hovin Lunglei District huamchhunga Election Expenditure Monitoring Cell Nodal Officers zawng zawng te chu DC Conference Hall-ah kokhawm niin inthlan tur atan an hriat tur pawimawh leh an hnathawh dan tur chungchang training neihpui an ni.
Training hawnnaah DC & District Election Officer ni bawk, Pu V.Sapchhunga chuan Nodal Officer-te fuihin election puan a nih tawh avangin Expenditure Monitoring Team hrang hrangten an hna chak leh uluk taka an thawh a tul thu a sawi a. Election kaihhnawih thil engpawh hrechiang duhte tan englai pawhin 24x7 Control Room Phone No.2324121-ah a zawh theih reng a nih thu a hrilh bawk.
Lunglei District Expenditure Monitoring Team hnuaiah Expenditure Monitoring Cell, Expenditure Monitoring Control Room & Call Centre, Video Viewing Team, Accounting Team leh Static Surveillance Team te a hran theuhvin ruat an ni bawk a ni.
