Vawiin zing dar 7:00 khan Lunglei-a Zotlang mualah Fire Prevention Week, 2009 hawnna neih a ni. He hun hawnna programme hi Pu Albina Thangkhuma, IFS, DFO, Lunglei in a kaihruai a. Pi M. Zohmingthangi, IAS, Lunglei Bawrhsap in a hawng a ni. Hawnna thu sawiin he week hawnna a hun taka neih anih avang leh mipui tawiawmna tha tak dawn a nih avangin lawmthu a sawi a. Nikum Zotlang kham leh Theiriat ram kang avanga pawi a tih thu sawiin kuminah erawh ti kang lo turin vengchhung mipuite tangrual turin a sawm a ni. Sorkar programme hi Pathian duhdan programme a ni a, thing leh mau humhalh hi Pathian rawngbawlna a ni, a ti. Thing leh Mau hmunte hi nungchate awmna anih avangin kan humhalh hian nungchate kan humhalh tihna a ni a, kan zavai hian i ngaipawimawh lehzual ang u a ti. Bawrhsap bakah hian Pu Johny Zoramthanga, Sub-Hrqs. YMA President, Pu Suaktluanga, President, Joint V/C leh Pu Lalthangvunga, President V/C Zotlang ten kangmei laka fimkhur a tul zia an sawi bawk a ni.