3407/2022-2023
Lunglei the 30th, January' 2023: Vawiin khan Lunglei District Disaster Management Authority (DDMA) buatsaih in Convention Centre Hall, Lunglei ah Fire Safety Awareness Seminar hun hman a ni. Pu Kulothungan A, IAS, Deputy Commissioner & Chairman, DDMA, Lunglei nibawk chuan khualian niin a hmanpui. He hunah hian VC, YMA leh a kaihhnawih Department hrang hrang te an tel bawk.

Fire Safety Awareness Seminar inkhawm hi Pu Donny Lalruatsanga, Addl. Deputy Commissioner, Lunglei chuan kaihruaiin khuallian Pu Kulothungan A chuan kumtin mi tam takin kangmei avangin nunna chan an awm thin a, kangmei chhuah chhan tam tak hi mihring kan inthlahdah vang a ni a, kangmei chhuak lo tura fimkhur a ngaih bakah mipui te hnenah nasa zawk a zirtirna neih a ngaih thu a sawi a ni. Lunglei District hi Mizoram ah ramngaw nei tha District kan ni a, heng ramngaw kan neih te hi kangmei lakah kan ven that a pawimawh a, kan venhim that loh chuan nungcha hrang hrang te tan awmna tlak loh ah kan siam thei a ni a ti a. Mizoram a kangmei chhuah chhan tamber chu kumtina lo hal vang a ni tiin kangmei thunun turin mitin in mawhphurna kan nei a, lo hal avanga ram kang a awm loh na turin mahni khua theuha VC ten theitawp chhuah a mipuite nasa zawka zirtirna pe turin a chah a ni. Ram kang lo turin Forest Department chauh a tawk lova mi zawng zawng in mawhphurna kan nei tih i hre thar ang u a ti bawk.

Vawiin seminar ah hian Enviroment Forest & Climate Change, Power & Electricity, Fire & Emergency Services Department bakah Nursing School leh SDRF/QRT,LDMMA  aiawhten kangmei laka fimkhurna tur hrang hrang zirtirna an pe a ni.