MP (Lok Sabha) Inthlan 2014 atana Lunglei District chhunga EVM hman tur endikna hna ‘First Level EVM Checking’ chu DC Conference Hall-ah March ni 25, 2014 atanga tanin ni 3 chhung neih a ni a, vawiin khan EVM endik hna chu zawhfel a ni.

EVM endikna hna hi venhimna uluk tak hnuaiah neih a ni a, Bharat Electornics Limited (BEL) atanga engineer lo kal ten EVM endik hna hi an thawk a; EVM Checking Observer atana ruat Pu Rotluanga, Director, Labour & Employment pawhin a hmunah a thutchilh reng a ni. EVM endik hunchhung hian Political Party aiawh hrang hrangte chu a hmunah an tel kim tha hle bawk a ni.

First Level EVM Checking zawh takah hian EVM 270 endik a ni a. Control Unit (CU) 265 a tha a, 5 chu chhiaa hmuh a ni a; Ballot Unit 258 a tha a, 12 a chhe thung a ni.