Vawiin chawhma khan Rural Devolopment Department Lunglei buatsaihin Cultural Heritage Centre Venglai Lunglei ah Gram Swaraj Diwas ( Thingtlang khua te intodelhna ni) hman a ni. Pu Lalnundika SDO (S) Lunglei chuan khuallian niin a hmanpui.

Gram Swaraj Diwas hmanna inkhawm Pu K. Lalrohlua Project Director DRDA Lunglei kaihhruaiah hian Pu Lalnundika SDO (S) chuan thu sawiin Dr.B.R Ambedkar pian cham denchhenin India ram pum ah 14th April - 5th May 2018 chhung hian Gram Swaraj Abhiwan ( Village Self - Governance Campaign) kalpui mek ani a, he campaign in a tum ber chu khawtlang inlungrualna siam, mirethei dawm kang tura Sorkar hmalakna hrang hrang mipui te hnena hriattir, mipui ten an chanvo an chang ngei em tih chhui chian te leh heng hmalak na hrang hrang chungchanga mipui te ngaihdan hriat te, ram pum huapa hmalak na pawimawh tak faina lam in hrilh hriat leh Village Council te tih chak te a ni, a ti. Ministry Of Panchayati RaJ chuan he campaign chhung a Deparment hrang hrang te tih tur a duang chhuak a heng zing ah hian Ministry a Of Rural Devolopement hmalakna in Gram Swaraj Diwas hi vawiin 28th April 2018 hian District Level a hman tura a tih ang in District hrang hrang ah hman ani ta a ni.

Gram Swaraj Diwas pual hian Central Sorkar hmalakna then khat Pu K.Lalrohlua Project Director DRDA Lunglei chuan MGNREGA leh PMAY (G) chungchang leh hmalakna te Power Point Presentation hmangin a hrilh fiah a. Er H.Zoliana Superintending Engineer, Lungei Power Circle in (PMSY) Pradhan Mantri Sahaj Bijili Har Ghar Yojana (Thingtlang khua eng la nei lo chhungkua te hnen a eng pek ) chungchang Power Point Presentation hmangin a sawi. Er LH. Lalmama SDO PHED in Swachh Bharat Mision (Gramin) SBM(G) chungchang Power Point presentation hmangin a sawifiah bawk.

He Gram Swaraj Diwas pual hian Lunglei District a Rural Devolopement Block tha ber ah Lungsen Block chu thlan niin Cheng 5000 leh Certificate hlan an ni. Rural Devolopement Scheme hnuaia hnathawk tha Haulawng VC Pakhatna niin cheng 5000 leh Certificate, Rawpui VC chu Pahnihna niin cheng 2000, Thenhlum leh Rangte VC te chu pathumna niin cheng 1000 ve ve khuallian Pu Lalnundika'n a hlan a ni.