No.1911/2020-2021

Vawiin khan Lunglei DFO Pi Lalrammawii Sailo, IFS leh a thawhpuiten High Tech Nursery, Pukpui-ah Green Mizoram Day, 2020 pualin thing tiak an phun.

Mizoram sawrkar hnuaia General Administration Department chuan 8th June,2020 ah khan thuchhuah siamin Covid-19 hrileng avanga inkhakhip kalpui mek anih avangin kumin Green Mizoram Day chu State Level leh District level-ah te function huaihawt lo mai ni se a ti a. Green Mizoram Day, 2020 pual hian Sawrkar Office leh institution te thing tiak panga tal phun tura hriattir an ni.

Department hrang hrang, pawl leh mimal ten High Tech Nursery, Pukpui-ah Forest Department atangin thing tiak la in Lunglei District hmun hrang hrangah Social Distancing kalpui chungin Green Mizoram Day 2020 pual hian an office, in leh a chheh vel bakah an huanah te thing tiak an phun bakah thingphunna hmunhma te an thlo fai bawk a ni.