1428/2022-2023 

Lunglei the 1st August, 2022 - Vawiin chawhnu khan DC Conference Hall Lunglei ah Lunglei DC Pu Kulothungan A kaihhruaiin Lunglei a Independence Day 2022  hman dan tur rel a ni.

Lunglei a  Sawrkar Department, zirna in hotute, chanchinbu mite leh tlawmngai pawl hrang hrang aiawhte an tel.

Meeting chuan Independence Day lawmna hi Thuamluaia Mual-ah chawhma dar 9:00 ah hman ni se tiin a rel a. Hon’ble Speaker, Mizoram Legislative Assembly, Pu Lalrinliana Sailo chu khuallian ni tura beisei a ni.

Covid-19 hrileng avanga kum hnih (2020 & 2021) chhung Independence Day Ceremonial Parade neih theihloh anih hnuah kuminah Ceremonial Parade neih tura inbuatsaih a ni a, armed Contingent panga, unarmed contingent pakua leh school contingent 20 te beisei an ni. Hemi bakah hian Assam Rifles leh Government High School Pipe Band te beisei an ni bawk. Lunglei SP kaihhruaina hnuaiah Parade inpuahchahna kalpui ni se tih Commitee chuan relin a  ti thate hnenah lawmman sem leh ni se tih a ni. 

Kumin Independence Day lawmna ah hian school panga – Sacred Heart School,Leilangpui High School, Kendriya Vidyalaya, Jawahar Navodaya Vidyalaya leh Eklavya Model Residential School atangin zirlaiten Cultural Program an nei dawn bawk a ni.

He ni pual hian Infiamna hrang hrang  buatsaih a nih dawn bakah Lunglei a Home hrang hrang leh Distrcit Jail-ah thilpek hlan a ni bawk ang. Chhun dar 11:30 ah VIP's At Home Lunglei DC Bangla tualzawlah neih ani ang.

Pu Kulothungan A chuan India ram tana ni pawimawh berte zinga mi Independence Day  ropui leh hlawhtling taka Lunglei a hman a ni theih nan kalkhawmte chu an chanpual theuh ngai pawimawh a thahnemngai taka thawk ho turin leh  Sawrkar Department hrang hrangte chu mahni mawhphurna hlenchhuak theuh tur in a chah a ni.