National Commission for Women, New Delhi leh Mizoram State Commission for Women tangkawp chuan 21st March, 2018 hian Art & Culture Auditorium, Lunglei-ah Hmeichhia leh Naupangte dikna leh chanvo chungchang zirhona “Legal Awareness on Laws related to Women and Children” an buatsaih dawn. He hunah hian Lunglei DC Pi Lalzarmawii, IAS chu khuallian a ni ang.

Ni khat awh tur Legal Awareness Programme ah hian Pi Sylvie Z. Ralte, CJM Kolasib chuan ‘Hmeichhiate dan in a humhalh dan’ tih thupui hmangin zirtirna a pe anga, Pi Lalrinkimi Hmar, DCPO, Lunglei chuan POCSO Act 2012 chungchang zirtirna a pe bawk ang. Professor Lalneihzovi, MZU chuan ‘Hmeichhiate leh Khawtlang inrelbawl dan’ tih thupui hmangin kalkhawmte zirtirna a pe ang. He hunah hian Pi M. Zohmingthangi, IAS (Rtd), Chairperson, Mizoram State Commission for Women  in thusawina hun a hmang dawn bawk a ni.