Vawiin chawhnu dar 1:00 khan National Press Day, 2009 Lunglei Press Club ah hman a ni. He programme hi Pu H.Lalthansanga, President, MJA Lunglei in a kaihruai a ni.
He Day ah hian Pi M.Zohmingthangi, IAS chu sawmin thusawina a nei a ni. Thu sawiin National Press Day 2009 chu a vawikhatna atan Lunglei a hman a ni chu lawmawm a tih thu a sawi. Press mite nimin aiin vawiinah a tha zawngin kan danglam em? tih kan in enfiah fo a ngai a ni, a ti. Chanchinbu hi mite siam chhetu ni loin mite siam thatu a ni tur a ni a; chuvangin Editorial Column te hi mitin chhiar a nih avangin uluk a ngai a ni, a ti. Tunlai khawvel hi Internet, Computer etc. khawvel a nih tawh avangin kan chanchin thar te pawh a tharlam thei ang ber a ni tur a ni, a ti. Kan chanchinbu te pawh a puitling tial tial tur a ni a, Pathian engkimtithei ah mihringte pawh kan innghat tur a ni, a ti.
Pu Lalthangmawia Vandir, MIS, Dy. Director, I & PR pawhin thu sawiin kum sawm kal ta chhung ngawt pawh a Mizoram chanchinbu danglam zia, Printing Press atanga Computer a a inhlankai dan te a sawi. Kuminah National Press Day kan hman ve ringawt pawh hian hma kan sawnna a tilang a ni, a ti. Indian hnampa Mahatma Gandhi in ‘My life in my message’ a tih angin kan nunzia hi chanchinbu miten kan chanchinbu, mite chhiar tlak a ni tur a ni, a ti.
Pu Andres H.Vanlaldika, MCS, DCSO hovin thupui ‘The Changing phases of Media in India, Mizoram context’ tih zirhona neih nghal a ni.
Pu Lalthangmawia Vandir, MIS, Dy. Director, I & PR pawhin thu sawiin kum sawm kal ta chhung ngawt pawh a Mizoram chanchinbu danglam zia, Printing Press atanga Computer a a inhlankai dan te a sawi. Kuminah National Press Day kan hman ve ringawt pawh hian hma kan sawnna a tilang a ni, a ti. Indian hnampa Mahatma Gandhi in ‘My life in my message’ a tih angin kan nunzia hi chanchinbu miten kan chanchinbu, mite chhiar tlak a ni tur a ni, a ti.
Pu Andres H.Vanlaldika, MCS, DCSO hovin thupui ‘The Changing phases of Media in India, Mizoram context’ tih zirhona neih nghal a ni.
