Nihnih awh District Level Workshop on NLUP Lunglei chu vawiin chawhma khan Social Welfare Minister Pu P.C. Lalthanliana'n a hawng. Zing dar 10:30 ah NLUP Exhibition Saikuti Hall Ground Floor-ah a hawng nghal.
Hawnna thu sawiin Pu P.C. Lalthanliana chuan NLUP hi kan ram leh hman damna tura sorkar programme pawimawh ber pawl a ni a ti a. He programme hmang hian Mizoram sorkar chuan mipuite hruai chhuaka Kanan ramah hruai thlen a tum a ni a ti. He programme hi tih hlawhtlin ngei anih theih nan Mizoram mipui leh kohhran ang pawhin tan kan lak a ngai a ni a ti. He programme hi mipui pawhin an nghakhlel a, a chhan chu programme mitin huap anih avang leh he programme aia tha programme dang a awm rih loh vang a ni a ti a, a hlawhtlinna hi mipuite kutah a awm a chuvangin a hlawhtlinna leh hlawhchhamna pawh mitinte mawhah a in nghal a ni a ti. NLUP hi mipuite ah a hlawhtlin chuan Pathian ram thilpek pawh a pung dawn a ni a ti.

Mizo mipuite kan intodelh hian kan ram  politic pawh a thianghlim ang a, he project kan tih hlawhtlin loh erawh chuan kan hnam leh sakhua chenin a mualpho thei dawn a, a chhan chu central sorkar in state dangte entawn atana a buatsaih a ni a ti.

Pu S. Laldingliana, Parliamentary Secretary pawhin thusawiin he NLUP proramme hi kan ram thing leh mau leh nungchate vennan pawh a pawimawh a. Thingtlang mirethei zawk ten lei rem an rah ve nana programme duan anih avangin a hlawhtlin ngeina turin taimakna, rinawmna leh tumruhna nen kan hmuah a ngai a ni a ti.

Pu Joseph Lalhimpuia, Vice Chairman, HPC pawhin thusawiin NLUP hi Model Scheme atan India state in a entawn atan christian state hi central sorkar-in hman min tum a, chumi ti hlawhtling tur chuan theih tawp chhuah a tan kan lak a ngai a ni a ti.

He Workshop hi Pi M. Zohmingthangi IAS, Lunglei Bawrhsap in kaihruaiin official, Kohhran hruaitu, NGOs hruaitu, chanchinbumi, Implementing Board-a thawktute nen mi thahnem tak an kalkhawm a ni.