No.5429/2020-2021

Lunglei the 25th, Sept’202: Vawiin khan LAD Conference Hall Lunglei ah Lunglei District a VCP leh VC Treasurer thlan thar te pualin Orientation Training on Mizoram State Finnance Commission and Account Matters for VCP’s & VC Treasurers chu neih niin a thawhkhatna chawhma hun ah Thorang A/C. VC 36 leh Chawhnu hun ah West Tuipui A/C. VC 17 te hnenah training pek an ni. Pu K. Lalrohlua, Project Director, DRDA, Lunglei chuan a hmanpui ani.

He hun hi Pu PC Lalhmunliana, AFI (LAD) in kaihruaiin Pu K. Lalrohlua chuan khawtlang rorelna ah bul tantu in nih avangin in mawhphurhna leh hnathawh dan tur te in hriat a ngai ani ati. Hnathawhna hrang hrang te langtlang leh entawn tlak a thawk turin a chah a, VC ten khawtlang hmasawnna ngaihpawimawh bakah faina chungchang te ,VC ramri humhalh te, ran khuahkhirh te, zirna ngaihpawimawh te, zu leh ruihlo do te kan thlahthlam a thiang lo ani ati. Dan tlawhchhana khawtlang rorelna kalpui turin leh veng tana thil tha tih na ah tang tlat turin a duh bawk ani. Rinawm tak leh diktaka ram hmasawnnan hna thawk theuh turin a chah ani. Kum 2024 August ni 16 ah VC Dimond Jubilee thleng turah VC member thar ten mellung chhinchhiah tlak neih theuh turin a sawm bawk ani.

Pu J. Mialung, DLAO, Lunglei pawh in thusawiin VC member te hian khawchhung inrelbawlna leh hmasawnna hnathawh kawng ah mawhphurhna sang tak in nei a, mipui tana rawngbawlna angaia rinawm taka mawhphurhna te hlen chhuak theuh turin a chah ani. Khawtlang inrelbawlna kengkawhtu ni tura siam in nih angin khawtlang rorelna hi ngaipawimawh turin a duh thu a sawi ani. Mipui ten ai awh atana an thlan te an nih angin VC member te chuan dikna leh rinawmna vawng nung turin leh hlemhletna laka inthiarfihlim bakah zu leh ruitheih thil, mipat hmeichhiatna thlenga entawn tlak ni turin a duh ani. Sorkar atanga hmasawnna pawisa hman reng reng cash book felfai taka chhinchhiah a engtik lai pawh a endik theih tura vawng turin a duh bawk ani. VC ten khawtlang inrelbawlna ah lungrualna leh thawhhona tha nei a, Sorkar Department hrang hrang te nen thawhho leh inkungkaihna tha siam thiam turin a chah bawk ani.

Pu T. Lalruata, Head CA in Village Council in dan hmanga ro an rel dan tur leh hna an thawh dan tur tlangpui te sawiin Pu H. Thanzauva, JE(LAD)in 1st Mizoram State Finance Commission Grant hnathawh chungchang sawiin Pu Lalngainatawma, AAO, Treasury Office in hmasawnna hnathawhna pawisa dawn te hmanna vawn dan zirtirna a pe bawk ani.

Vawiin a VCP leh VC treasurer training te hnenah MSFC atangin khawtlang hmasawnna tur hna work order pek vek an ni.