Vawiin chhun  khan Pu Lalnundika SDO (S) hovin Lunglei DC Conference Hall-ah  Republic Day 2019  hman dan tur relho a ni a; he meeting-ah hian Lunglei a  sorkar department hrang hrang Zirna In, MJA, Kohhran hrang hrang hruaitu aiawh leh NGO's te an tel a ni.

Lunglei-ah Republic Day 2019 lawmna pui ber chu Thuamluaia Mual-ah dar 10:00 AM-ah neih tur a ni ang a, chawhnu dar 3:00-ah sawm bikte tan thingpui inhona ‘At Home’  DC Bangla Kawtzawl ah buatsaih a ni  ang. Hemi Ni hian Lunglei D.C. chu Khuallian a ni ang a, Republic Day Ceremonial Parade Contingent-te chibai bukna chhangin Republic Day Thuchah a sawi dawn a ni. Kum danga tih thin ang bawkin zing ni chhuah atanga tlai ni tlak thlengin sorkar office zawng zawngte chu hnampuanzar zar tur a tih an ni .

Republic Day 2019 felfai taka kan neih thei nan Department hrang hrang mawhphurhna pek te hlen chhuak theuh tur in Celebration Committee chuan a ngen a ni.