Vawiin chhun dar 12:00 khan Pi M.Zohmingthangi, IAS, Deputy Commissioner, Lunglei kaihhruaina hnuaiah a office chamber-ah Swine Flu chungchang meeting pawimawh tak neih a ni. He meeting-ah hian tualchhung Media bakah DVO, Medical Superintendent, Civil leh Christian Hospital leh Dy.Director, I & PR te telin DC hi Addl. DC in a tawiawm bawk a ni.
Dr.Laltlanmawia, DVO chuan thu sawiin mipui hian Swine Flu leh Swine Fever hi kan ngaih fin a, heng natna te hi a dang a, Swine fever chu vawk leh vawk inkar a in kaichhawn theih natna a ni a, he natna an vei tawh chuan a sa pawh ei lova phum bo zel a tha ber a ni, a ti. Swine Flu pawh vawk atanga hri hlauhawm intan ni thovin he hri hi mihring ah a kai thei a, tuna a hlauhawm na em em chu mihring leh mihring inkar a kaichhawn theih hi a ni, a ti.
Dr. Ramzauva, Dr.Lalsanga leh Dr. Rothangpuia te pawhin Swine Flu kai chhawn theih dan bakah he natna hlauhawm dan te an sawi a, a vei ten an nat dan te sawifiahin a damdawi tak tunah nei rih lo mah ila a in ven theih avangin mitin kan fimkhur a ngai a ni, an ti. He hri hi Mizoram mi hmundanga awm lo haw te, ramdang atanga Mizoram lo lut te atanga in kai chhawn theih a nih avangin mitin kan fimkhur a ngai a ni. Sawrkar chuan in ven dan chi hrang hrang a ruahman mek a, chungte chu Radio atanga thusawi te, TV atanga ziah leh thusawite leh Poster atanga in zirtir te a kalpui dawn a, mitin lo ngaithla a ngai pawimawh turin District Level Committee chuan a ngen a ni.
Kan zavaia kan him theih nan sawrkar leh mipuite tangtlanga thawk ho turin District Level Committee chuan mitin tawiawmna a ngen a ni.
Dr. Ramzauva, Dr.Lalsanga leh Dr. Rothangpuia te pawhin Swine Flu kai chhawn theih dan bakah he natna hlauhawm dan te an sawi a, a vei ten an nat dan te sawifiahin a damdawi tak tunah nei rih lo mah ila a in ven theih avangin mitin kan fimkhur a ngai a ni, an ti. He hri hi Mizoram mi hmundanga awm lo haw te, ramdang atanga Mizoram lo lut te atanga in kai chhawn theih a nih avangin mitin kan fimkhur a ngai a ni. Sawrkar chuan in ven dan chi hrang hrang a ruahman mek a, chungte chu Radio atanga thusawi te, TV atanga ziah leh thusawite leh Poster atanga in zirtir te a kalpui dawn a, mitin lo ngaithla a ngai pawimawh turin District Level Committee chuan a ngen a ni.
Kan zavaia kan him theih nan sawrkar leh mipuite tangtlanga thawk ho turin District Level Committee chuan mitin tawiawmna a ngen a ni.
