No.4045/2020-2021

Lunglei the 12th, Aug’ 2020: Vawiin chawhnu khan Lunglei Bawrhsap leh Chairman, Technical Support Group nibawk Pu V. Lalsangliana kaihhruainain Green Ag, Mizoram Technical Support Group(TSG) chu DCs Conference Hall, Lunglei ah a vawi khatna atan meeting neih a ni. Meeting ah hian Agriculture Department Officer bakah Line Department Officer te, KVK Scincetist leh NABARD aiawh te an tel a ni.

Pu V. Lalsangliana chuan member kalkhawm te chu meeting a an tel avangin lawmthu sawiin, he UNO programme Lunglei a kan neih hi lawmawm a tih thu a sawi a. UNO kaltlanga loneitute hnen ah Sustainable farming tluantling a thlen theih nan Agriculture Deparment leh Agri Allied Dept.te thawhhona tha an neih a ngaih thu sawiin hmasawnna kawng ah thawhona tha tak nei turin a sawm a ni. He Programme hi Web-Cast hmangin New Delhi atangin National Project Management Unit (NPMU) hotu ten an telpui a, live in presentation te an rawn pe ani. Green Ag, Lunglei hmalak zel dan tur leh agenda pawimawh tak tak pathum Annual Work Plan and Budget chunchang, Scheme hrang hrang convergence chungchang leh Village Council Support Unit din chungchang te sawi ho niin agenda te hi zirho anih hnu ah pawm vek a ni.

He Green Ag, Project hi UNO hnuaia Food and Agriculture Organization (FAO) kalpui mek a ni a, Thorang Wildlife Sanctuary tih changtlun nana pawimawh tak Thorang Wildlife Sanctuary tlangdung a khaw 13 thlan bik te huam chhunga loneitute chawikanna tur programme a ni.

Heng khaw 13 thlan bikte a thawk tur, Community Resource Person (CRP) tepawh sawrkar in a la fel vek tawh a, project hmalak dan tur ruahmanna te hi meeting hian a duangfel nghal a ni.

Pu Tlangtimawia Zote, DAO Lunglei, he Green Ag Project, Lunglei, Member Secretary ni bawk chuan member kalkhawm te hnen ah lawmthu sawina a nei a ni. He programme hmang tur hian State Programme Coordinator Pi Lalengzami Haolai leh State Technical Coordinator Dr.Kenny Vanlalhriatpuia ten an hmanpui bawk a ni.