334/2022-2023
Lunglei the 28th,April' 2022 : Vawiin khan Deputy Commissioner & Chairman, Districrt Disaster Management Authority, Lunglei District thupek angin District Level Committee for Implementation of Covid-19 Appropriate Behaviour (CAB) in Zirna In te CAB an zawm that leh that loh endik tura tih angin Lunglei Southern Area : Team - II te chuan Team Leader Pu H. Lalramenga, SDC, Deputy Commissioner Office, Lunglei hovin Govt Mt. Hermon Middle School, Ramthar leh Southern Flower Middle School, Chanmari te endik a ni. Endikna ah hian School Education, Police leh Information & Public Relations Department te an tel a ni.

Heng School ah te hian Covid-19 dan zawm tur a tih social distancing zawm that leh that loh te, kut silna leh sanitizer hmantheih an chhawp bakah school naupang ten class room-ah mask an vuah that leh that loh te endik a ni a. School endikna ah hian Pu H. Lalramenga chuan zirtirtu leh school naupangten sorkar thupek CAB tha tak a zawm theuh turin a duh a, sorkar hmalakna leh mipui te thuawihna avangin covid- 19 hri in tlem lam a pan mek a, hemi avanga inthlahdah tur kan ni lova ,mask vuah that te, kut sailfai that leh sanitizer hmang tam turin a chah a ni.

Vawiina School endik te hian CAB an zawm tha tlangpui a ni. Lunglei District Covid-19 hripui laka kan him zel theihna turin District thuneitute chuan endiktu Team te hian a khat tawkin Zirna Inte chu CAB an zawm that leh that loh an endik thin dawn tih an sawi.