Vawiin khan Lunglei Bawrhsap Pi Lalzarmawii IAS chuan J.Buana College, Lunglei leh National Institute of Electronic & Information Technology (NIELET) nen a thawkho a din Computer Study Centre (CCC)chu a hawng.

Vawiin a Computer Study Centre hawnna inkhawm hi Principal JB College Prof. J. Zorema'n kaihruaiin, Khuallian Pi Lalzarmawii IAS chuan thusawiin computer thiam hi mitin tan a pawimawh a, khawvel chankanna in IT hi a ken tel tawh avangin sorkar in a ngaipawimawh hla ani. Sorkar hna zawn nan IT thiamna a ngaihtuah avangin zirlai ten tha taka zir chhuak theuh turin a duhsak a, he computer centre hi hlawk thei ang ber a hmang theuh turin zirlai te a chah a ni. Pi Lalzarmawii IAS hian Spoken english course level I zirzo zirlai 14 te hnenah Certicate hlanna a nei nghal ani.Pi Lalzarmawii IAS chuan Computer Study Centre hawn zawh hian Youth Adventure Club, JB College Lunglei ten 29 March- 1 April, 2017 chhung hian PurunTlang Tracking Expendition nei tur a vai liam a, RUSA hmalakna hrang hrangte a en bawk a ni.

Pu Lalrinawma, Scientist D, NIELET, Lunglei pawh in thusawiin NIELET hi Ministry of Information Communication & Technology hnuai a Scientific Autonomous Body a ni a, Northeast State tin ah zone pakhat theuh awmin, Aizawl ah Hqrs. awmin Lunglei hi extension Centre a ni. IT Sector zir tur hian Fee chawi a ngai lo a, Sorkar hnathawk tur chuan CCC emaw a tlukpui emaw zir a ngaih thu a sawi.

Computer Study Centre ah hian CCC course zir a ni a, tunah hian zirlai 90 awm in batch hrang hrang a then anni a, a thlawn vek a zirtirna pek a ni. Computer 20 dah niin Instructor pakhat in zirtirna a pe a ni.