4664/2025-2026

Lunglei, 2026 Vau thla ni 2: Vawiin khan Lunglei District Bawrhsap Pi Navneet Mann chuan National Highways & Infrastructure Development Corporation Ltd (NHIDCL) hotute leh contractor BRN Infrastructures Pvt Ltd hotute chu a pisaah kovin, Lunglei District chhunga national highway kawngpui zauh leh siam ṭhat hna kal meka an hna thawh dinhmun leh hmachhawpte a sawipui.

NHIDCL leh BRNIPL te chuan Work Plan zulzuia an hna thawh dinhmun leh harsatna awm te, hmabak an neih dan te an report a. Bawrhsap chuan Theiriat kawng lei minna lai leh T-Way Filling Station bawr chho kawng chu lungrem leh tuiluankawr (breast wall/retaining wall/side drain) siam leh kawng luan (blacktopping) te ngaih pawimawh hmasaka neih tur leh a hma thei ang bera zawh tum turin a hriattir a. Work plan bawhzui dan leh an hna thawh dan hi DC hovin a hmunah endik (spot verification tih) tura ruahman a ni.