No.606/2021-2022

Lunglei the 20^th May 2021 – Vawiin tlai khan Lunglei DC Pu Kulothungan A kaihhruaiin a office chamber-ah Lunglei District-a Covid-19 Dan bawhchhia criminal case register tawh te chungchang ngaihtuah hona meeting neih a ni. Meeting-ah hian Lunglei SP Pu Rex Zarzoliana Vanchhawng, Public Prosecutor Pu  ZDL. Pianmawia leh a kaihhnawih official dangte an tel a ni.

Covid-19 dan bawhchhiat avangin Lunglei Police station ah case panga (5) register tawh anih thu meeting ah hian ngaihthlak a ni a.Heng case panga te hi investigation tih zawh vek tawh niin Charge Sheet pawh thehluh kim an ni tawh a. Heng case panga zingah hian case pathum chu thiamloh chan tir (convict) tawh niin case pahnih hnuaiah dan bawhchhiate fine chawitur niin case pakhat ah hian mi pakhat ni 10 chhung lung in tan tir a ni a, tun dinhmunah a chhuak tawh a ni. Case dang pahnih te hi la rel fel tur (pending trial) an ni.