DIRECTORATE OF INFORMATION & PUBLIC RELATIONS, Government of Mizoram, India

No.3601/2021-2022

Aizawl, the 8^th January 2022: NH 54 Widening & Upgradation hna thawhlai mek chu, contractor te hnathawh a that leh thatloh te leh, leivung paihna hmun te endik turin vawiin khan CALA: Pu Kulothungan A, Deputy Commissioner hovin Settlement Officer, PWD Roads Lunglei leh Hnahthial SDO, Lunglei Thalai Pawl hruaitute, NHIDCL General Manager (P) te’n Dawn, Zobawk, Lungpuizawl, Hrangchalkawn a VC te nen hnathawhna hmun te an tlawh.

NH54 project hi NHIDCL, PMU Lunglei hnuaia kalpui niin helai hmuna EPC Contractor hi ABCI Infrastructure an ni a. Kawng laihna leivung paihna hmun dik taka paih an ni em tih te, khawtlang leh mimal atanga complaint rawn lut hrang hrang te, an hmanrua hman leh lung quality te a tha em tih an en ho a. Contractor te hmanrua hman hi a tha tawk ngei em tih finfiah turin PWD in a hranpa in quality testing an nei dawn bawk a ni.

A hmunah hian road alignment kal dan te zir chian niin DC/CALA Pu Kulothungan A chuan complaint lo lut te rang thei ang bera bawhzui zel anih tur thu chu team te a hrilh a. ROW (right of way) chhunga land filling tih nasat ngaihna hmunah te pawh, leivung chuan a thlang lui/kawr te a tihchhiat lohna atan land filling tih hmaa toe-wall siam vek tawh turin Contractor chu a hrilh bawk. Ram hmasawnna atana thawk vek kan nih avangin kawng tha kan neih vat theihna turin theihtawpa mipui leh a thawktute kan tanrual a ngaih zia a sawi bawk.

NH 54 paltlang khaw danga hnathawhte chu hun ruat dangah a huhova en leh zel ani ang.

Attachment