No.966/2020-2020
Mizoram Sorkarin The Mizoram (Containment and Prevention of Covid-19) Ordinance, 2020 a chhuah chungchanga hriattur pawimawhte chu a hnuaiah hian tarlan a ni a. He Ordinance hi Covid-19 dona leh darh zelna tura invenna atana siam leh hman tur a ni.
1. DAN BAWHCHHIATNA LEH HREMNA (Section 5)
Sl no |
Dan bawhchhiatna | Hremna/Pawisa Chawitir tur zat (Rs) |
1 | Vantlang hmuna mask hmang lova luh leh awm | 100 |
2 | Vantlang hmuna social distancing chungchanga inkaihhruaina zawm loh |
200 |
3 | Vantlang hmuna chil Leh thil hmuam chhak | 300 |
4 | Thuneitu phalna la lova sakhua/vantlang thila puipunna siam | 5000 |
5 | Thuneitu phalna la lova Mizoram chhunga luh leh chhuah | 5000 |
6 | Sorkar-in quarantine/isolation chungchanga thupek leh inkaihhruaina a siam ang zawm lova chutiang hmuna awm loh leh awm loh dan zawng |
3000 |
7 | Quarantine/isolation facility-a awm hun tur bituk awm lova chhuah/tlanbo | 1000 aia tlem lo, 5000 thleng |
8 | Thupek leh inkaihhruaina dan zawm lova quarantine facility-a khawsak leh midang himna tiderthawng zawnga awm | 500 |
9 | Central leh state sorkar-in covid-19 laka invenna leh dona tura thupek leh inkaihhruaina a siam zawm loh, leh lockdown chhunga state sorkar-in inkaihhruaina a siam zawm loh/bawhchhiat |
1000 |
10 | (a) Thuneitu hnen atanga phalna la hmasa lova Covid-19 vei leh rinhlelh hming emaw nihna tarlanga a chanchin emaw, thlalak emaw print, electronic leh social media-a pholan (b) A chung chiaha tarlan (10)(a) hi Judicial Magistrate Court-a a chungchang ngaihtuah theih a ni. | Kum 3 thleng lungin tantir emaw Rs. 5000 thleng chawitir emaw, heng thil pahnih hmanga hrem |
A chunga tarlan chungchanga hriattur pawimawhte
1. Mask vuah tih hian hnar leh ka tuam/khuh tur a ni.
2. Pawisa chawitir hian receipt copy pakhat chu a chawitu hnenah pekchhuah tur a ni.
3. Pawisa chawitir tura thuneihna bakah pawisa chawitira pekchhuah tur receipt/challan hi tumahin diklo takin an hmang (misuse) tur a ni lo.
4. Pawisa chawitir dawnin dan a/an bawhchhe ngei a ni tih finfiahna a awm tur a ni.
2. DAN BAWHCHHIA PAWISA CHAWITIR THEITU (Section 3)
A chunga (Sl. No. 1) tarlana hrem/pawisa chawitir theitute chu a hnuaia tarlan te hi an ni.
1. Executive Magistrate.
2. Sawrkar ina chawitir thei tura thuneihna a pek Dan kengkawhtu Officer.
3. Police Constable leh a chunglam zawng.
4. Chairman/Vice Chairman/Member Secretary, State Level Task Force on COVID-19.
5. Chairman/Vice Chairman/Member secretary, District Level Task Force on COVID-19.
6. Chairman/Vice Chairman/Member Secretary, Village Level Task Force on COVID-19.
3. PAWISA CHAWITIR RECORD CHUNGCHANG (Section 6)
1. Register/Cash Book siam tur a ni a, he tah hian pawisa chawitir zat hi ziahluh (record) zel tur a ni.
2. Pawisa chawitir na receipt/challan-a chawitir chhan inziak bakah ziahluh ngai dangte chu register/cash book ah hian ziahluh vek tur a ni bawk.
4. DAN BAWHCHHETU HREMNA (Section 7)
1. Dan bawhchhetu man chuan pawisa a chawi duhlo emaw, information tul dil ang a pe duhlo a nih chuan pawisa a chawi tur ang a pek hma emaw, information a pek hma emaw, a mantu in a pawm theih intiamkamna/dahkham a siam hma emaw chuan man a nihna hmunah hren theih a ni.
2. Pawisa emaw intiamkamna emaw chu darker 24 chhunga a pe lo a nih chuan thla 4 thleng lungin tan tir theih a ni a, hemi tur hian Judicial magistrate Court ah dan anga rel theih a ni ang.
5. PAWISA CHAWITIR TAWHTE THEHLUH DAN (Section 8)
1. Dan bawhchhiatna avanga pawisa lo chawitir tawh tlingkhawm chu Deputy Commissioner ah thlatin hnathawh ni hnuhnungber (last working day) ah Sorkar ina chawitir thei tura thuneihna a pek (authorized persons) chuan a thehlut tur a ni.
2. Pawisa chawitir ziahluh (record) na register leh receipt challan copy pakhat zel thehluh tel bawk tur a ni.
3. Pawisa chawitir tlingkhawmte chu Sorkar sumbawm (Government revenue) ah chhunluh a ni ang.
