1790/2022-2023

Lunglei the 1st September, 2022: Vawiin chawhnu khan Pu Kulothungan A, IAS, Deputy Commissioner, Lunglei chuan Kendriya Vidyalaya School, Ramthar Veng a sak mek chu a hmun ngei ah kalin a tlawh. Pu Kulothungan A, chuan School building sak mek chu tha a tih thu a sawi a. Pu Kulothungan A chuan school building sak mekah harsatna an neih te a hnena thlen hreh lo turin a chah a, harsatna an neih ang te atul anga hmalakpui turin a in peih reng thu a sawi a ni.

Kendriya Vidyalaya School hi MAMCO bultum in Rs 2385.37/- lakhs(Cheng nuai sanghnih zathum sawmriat panga singthum leh sangsarih) man a sak mek a ni a, School building bakah staff quarter 9 awm theih na tur pawh sak mek a ni. He School ah hian tun dinhmunah Class I atang Class X thleng awmin zirlai 250 an awm a, zirtirtu regular 14 leh contract 4 bakah non-teaching staff te an awm bawk a ni.