No125/2021-2022

Lunglei 13th April 2021 : Lunglei khawpui tui lakna Tlawng lui kam chho mek a harsatna thleng a hmunah enin Lunglei Bawrhsap Pu Kulothungan A chuan Pialthleng tui lakna hmunah kalin a enfiah.

Lunglei tui lakna tlawhtu Lunglei Bawrhsap chuan khawvel sik leh sa in lumlet chho zelah khaw thal rei leh lui tui kangte chuan ruahtui khawl leh tui hna humhalh pawimawh zia a ti lang chiang hle tiin mitinin ngaihtuahna thar neih a tul thu a sawi a ni.

Lunglei khawpui tuilakna Tlawng lui chu a hna a tlem chhoh zel avangin duh khawp tui sem tur pump a harsat tawh thu PHE Lunglei hotute chuan an sawi a, Tuia Lunglei chawmtu ber Tlawng lui chu khaw kheng rei lutuk avangin a kâm tawh hle a, tui pump na tura an khuahah pawh pump tur nghah khawl ngai khawpin tui hna a tlem tawh hle a ni. PHE hotute chuan Lunglei chuan tui put ru leh pialthleng lui relhrute pawh a let zawnga pump in nikhatah darkar 13 atanga 14 an la pump theih hram hram thu leh rualtlang thei ang bera an sem mek thu an sawi a, tun thla chhunga ruah a sur lo a nih chuan a mangan thlak hle tawh tur thu sawiin mipuite chu tui ren tur leh an harsatna hrethiam hram turin a ngen bawk a ni.

Lunglei Bawrhsap hi Lunglei SP, PHE SE leh Project Director DRDA bakah YMA Sub Hqrs. Lunglei hruaituten an tawiawm a ni.