Vawiin chawhma dar 10:00 khan DC Conference Hall, Lunglei-ah ‘Training for BLO for Summary Revision of Electoral Roll 2015, Lunglei District’ chu Pu Ashish Madhaorao More, IAS, Deputy Commissioner, Lunglei chuan a hawng.

BLO Training hawnna inkhawm Election Officer, Lunglei Pu Mark Lalthanliana kaihhruai-ah Lunglei DC Pu Ashish More chuan thusawiin Electoral Roll Summary Revision hi kum tina neih a ni thin a, BLO-te chu Election Commission of India-ah deputation an nih angin, tumah thliar bik nei lova Electoral Roll siam tur an ni tih a hrilh. Election Commission of India duhdan angin tupawh India khua leh tui dik tak, kum 18 tlingte chu Electoral Roll-ah an chuang ngei tur a ni a, chumi thun luh chu BLO-te tih tur a ni a, Training chhungin hriatthiam loh an neih chuan Master Trainer-te zawt hreh lo turin a hrilh a. Mizoram chu Bangladesh leh Myanmar ram indep a nih avangin foreigner-te lakah kan fihlim theih nan residential proof nei chauhte hming thunlut theuh turin a chah. Lunglei District-in Electoral Roll felfai a neih theih nan BLO-te chu NGO-te nen tha taka thawkho turin leh fimkhur taka an hna thawk theuh turin a chah a ni.

Vawiina BLO Training te hi 29-South Tuipui, 30-Lunglei ‘N’, 31-Lunglei ‘W’ leh 32-Lunglei ‘E’ te an ni a, an vaiin mi 83 an ni.

Vawiina Training petu Master Trainer-te chu :

1. Pu H.Lalrinpuia, BDO & AERO, Bunghmun

2. Caroline LB Khiangte, SDC, Lunglei

3. Dr. Malsawmtluanga Fanchun, BDO & AERO, Lunglei

4. Mark Lalthanliana, Election Officer, Lunglei

Attachment

  • Loading attachment...