3129/2023-2024

LUNGLEI; 20th, December' 2023: Nimin khan Sairep khua chuan Zopui Day hmangin Pi Ramdinliani, IAS Deputy Commissioner, Lunglei chuan he hun hi a hmanpui a ni.

Zopui Day lawmna inkhawm hi Pi HS. Lalawmpuii, VCP Sairep chuan kaihruaiin Pi Ramdinliani chuan Sairep khua in Zopui Day an hmanna a, a tel thei chu lawmawm tiin Sairep hi khaw entawntlak tak inenkawlna tha tak nei, khawtlang hmasawnna kawngah pawl hrang hrangte inlungrualna te hi ropui a ti a, phai thingpuife la lut lova thingpuife a, an intohdelh bakah Mizoram khaw hrang hrang ah an thawnchhuak thin chu lawmawm a tih thusawiin thalai ruihtheih thil a buai an awm lo chu fakawm a ti a. Tui hna awmna a awm in ni a, humhalh leh tihpun kawngah mawhphurhna sang tak an nei tih hria a kan tu leh faten tui thianghlim intur leh tlan tur an neih chhunzawm zel nan ramngaw ti chereu lova ngaw siam bel zel turin a chah a ni. Pi Ramdinliani chuan sorkar laipui in India khua leh tui te tana hamthatna a siam te India ram a kilkhawr bera awm pawhin a bo a bang awm lova dawng theitute leh chhungkaw tinin an hman tangkai chu a duhdan a ni tih sawiin he puanzarna (Viksit Bharat Sankalp Yatra) neih hi zirchianga hmang tangkai theuh turin a chah bawk a ni.

Zopui kut hmannaah hian hnam lam leh infiamna chi hrang  hrang te nen a hun hman a nih hnuin tlai lamah khawtlang huap a ruai ropui taka theh a ni bawk.