District Magistrate, Lunglei District, Lunglei Pu V.Sapchhunga chuan Section 144 Cr.PC. 1973(Act II of 1973)-in thuneihna a pek angin Mizoram thenawm ram Myanmar atangin Vawk vulh tur emaw ei tur emaw engti kawng zawng mahin lakluh phal a ni lo tih thupek a chhuah a ni. he thupek hi thu leh awm hma chuan Lunglei District chhungah a chhuah ni 1.11.2013 atanga thla 2 (hnih) chhung a huam ang.

Tunlaiin vawk pul hri (Viral Disease Porcine Reproductive & Respiratory Syndrome) Mizoram hmun thenkhatah a leng a, he hri lenna chhan hi thenawm ram Myanmar atanga vawk lakluh vang nia hriat a ni.