232/2024-2025 

LUNGLEI; the 17th April,2024: Tukin zing dar 7:00 khan Despatch Centre (Saikuti Hall kawt) atangin Lunglei district hnuaia khaw hla zual leh kalkawng harsa zuala kal tur polling party 13 te chu  Pi Ramdinliani, District Election Officer leh bawrhsap Lunglei  district  ni bawk chuan a vai liam.

Polling party kalchhuak turte fuihna thu sawiin, Pi Ramdinliani chuan polling official te chu sawrkarin Lok Sabha Inthlanpui-2024 felfai leh thianghlim tak kalpui theihtu tura a mi rin an nih angin; Polling official anga  an mawhphurhna te hre reng tur leh an Training laia  resource person ten  Polling official ten an tih tur leh tih loh tur an sawi te, fimkhur ngaihna lai an sawi te chu hre reng tur leh zawm tlat tura chahin, harsatna an neih chuan anmahni puitu tur Sector officer te an hnai vaiah an awm reng tur thu leh control room atang pawhin an vil reng tur thu a sawi a.  Tluang tak leh tha taka an duty te hlena; him piala anmahni leh an EVM khawl ten receiving counter an lo thlen leh vek theih nan duhsakna a hlan hlawm bawk a ni.
Tukin zinga chhuak polling party 13 te duty-na hmun tur khua te chu:

34-Thorang (ST) Assembly segment hnuaiah:

1)      Salmur
2)      New Sachan
3)      Mauzam
4)      Terabonia
5)      Dampui
6)      Sumasumi
7)      Tuikawi

35-West Tuipui(ST) Assembly segment hnuaiah:

1) Chengkawllui(Samuksury)   
2)      Ukdasari
3)      Devasora
4)      Bandiasora
5)      Laihausa(Malsury)
6)      Puankhai