971/2026-2027

Dated Lunglei, 2026 Nikir thla ni 11: Lunglei District Election Officer (DEO) Pi Navneet Mann chuan vawiin khan electoral roll en nawn runpui, Special Intensive Revision (SIR) kalpui mek chungchangah Lungleia Booth Level Officer (BLO) ṭhenkhatte an hna thawhna hmunah tlawhin, an hma lakna a enpui.

Lunglei DEO Pi Navneet Mann hian Lunglei Municipal Council (LMC) huam chhunga BLO panga tlawhin, Enumeration Form sem, lak khawm leh digitise kawnga an hma laknate a hmunah hmuhpuiin, an hma lak dan hrang hrang leh harsatna an neihte a sawipui.

Lunglei District Election Officer hian Chanmari-II, Chanmari-III, Serkawn-II, Electric Veng-III leh Bazar Veng-II BLO te a tlawh a. Special Intensive Revision kalpui mekah voter ṭhenkhat an awmna chin hriat tawh loh te leh hmun danga insawn tawh te chu uluk leh chik taka thliar tura chahin, voter te tihpalh thil thua paih (delete) an awm lohna turin fimkhur hle turin a chah bawk.

BLO-te a tlawh kualnaah hian Lunglei DEO Pi Navneet Mann hi Electoral Registration Officer (ERO), Assistant Electoral Registration Officer (AERO) leh Election Officer te'n an ṭawiawm a ni.