Vawiin khan Industry Deptt. Lunglei chuan DIC Conference Hall Lunglei-ah NLUP hnuaia tanpuina mi 58 hnenah Cheque system in Rs 11,18500 an pe a, he hunah hian Addl DC Pu T. Lalduhawma chu khuallian niin ti hian he Dist-ah hian 75.56% vel NLUP hi sem a ni tawh. NLUP sum semna Pu H. Thangmawia General Manager kaihhruaiah hian Pu Duhawma chuan NLUP pawisa hmanga mirethei zawkte kut a sum tam tak a lut hrim hrim pawh hian min ti lawm tih sawiin NLUP tanpuina hi a dawng hmasa leh hnuhnung an awm a, tun a la dawng ve rih lo, dawng tur awm ang chi te pawh hian an la dawng zel dawn a ni, a ti. Hun hmasa lama NLUP hlawhchham pui tam tak an awm ang kha tuntumah chuan tumah hlawhchham awm lo se a duh tih sawiin hemi atan hian rilru neih a tul hle a ni a ti. Eng hna pawh hi thawhhreh loh a tul tih sawiin lumeh te pawh Mizo te hian uar zel tha a hriat thu leh amah ngei pawhin Vai lumet aia Mizo lumet a pan hram hram thin thu a sawi. He hunah hian Pu Zathangliana, Dist Level NLUP Implementing Board Secretary pawhin report pe in Industry Deptt hian pawisa a hmuh tlai avanga Deptt dang zawng zawng aia NLUP sum sem tlai an ni tih a sawi. Haulawng, Pangzawl leh Zobawkah te pawh sem a ni tawh tih sawiin he Deptt hnuaia dawng tur te karleh lamah pawh sem leh nghal tum an ni a ti. Lunglei District-a V/C 135 leh Sub Village 54 (Avaiin Village 189)-ah Chhungkua 32,193 an awm a, heta tang hian NLUP dawng tur chhungkua 22,982 an awm a ti. 2010-11 chhung hian Lunglei Dist-ah NLUP dawng tur chhungkua 7103 an awm a, heta tang hian khawpui chhungah mi 1434 awmin khawpawnah chhungkua 5669 an awm niin a sawi. NLUP tanpuina dawng tur thlan thuah DC Office atanga tumah thlan an nih loh thu leh Village Level Comittee ten an thlan vek thu a sawi.
Hetihlai hian NLUP Monitoring Comtt din anih thu leh anni hian he sum hman dan hi a tul anga audit in hrem ngai te pawh hrem theih an ni tiin a sawi. Hetihrual hian NLUP tanpuina dawng tur te hian kumin chhungin Rs Nuai khat an dawng vek dawn tih sawiin Beneficiary te chu phur taka hmala turin a chah. Pu Zathangliana hian kan tu leh fa te leh keimahni ngei pawh kan inhmangaih anih chuan he NLUP sum hi diktaka hman a ngai a,sum hmang diklo tu chuan Pulpit-ah pawh thusawi se kei chuan ngaihthlak tlakah ka ngai lo, hei bakah sum hmang tha duhlo tu chu NLUP sum hmang diktu chhiahhlawkah a la tang ngei ang tiin a sawi. He hunah hian DIC GM Pu Thangmawia chuan Technical Report pe in NLUP Beneficiary te fuihna thu ngaihnawm takin a sawi. Tuntuma NLUP dawngtu te hi khaw 12 a mi niin Lunglei khawchhung an tel lova, khaw chhung a dawng tur te hi sem leh thuai an tum a, Zobawk atanga Trade thlak mi 10 zet pek zingah hian an tel a ni.
