Vawiin chawhma dar 11:00 khan Addl. DC Pu.T.Lalduhawma kaihhruaina hnuaiah Lunglei District Green Mizoram Committee an thu khawm a, Green Mizoram Committee  chuan ni 21.6.2011 dar 11:00 am hian Green Mizoram Day  hman nise tih an rel a, hemi ni hian Pukpui leh Tlawng inkar World Bank Road dung tluan in Thing tiak 1200 vel tal phun tum a ni.

Green Mizoram Committee Lunglei District chuan nikum lama an thing phun 1600 vel lai National Highway 54 enkawl tuten an ti chhia chu a uihawm thu tarlangin tun a chin ah chuan sawrkar hmalakna te inzah sak tawh nise a sawt zawk tawh turah an ngai.

Lunglei District a sawrkar department te chu an department thingphun puitling mekte humhalh tha tur leh ngaihven zui tura ngen an ni a, Green Mizoram Day June 21 a hman tum chu Lunglei District a khaw hrang hrang a VC leh NGO's ten thingphun zawm ve theuh turin Committee chuan a ngen nghal bawk ani. Vawiin a thukhawm Committee member te chuan ramngaw leh ramsa humhalh pawimawhna hi sawrkar chauh in a tlangau pui chuan a sawt tawk lova ngaiin NGO's te leh kohhran te phurpuina in hlawhtlinna liantham zawk erawh a thlen theih an rinthu an sawi bawk.