No.1822/2020-2021

Nimin khan Pu Lawmawma Tochhawng Vice Chairman High Powered Committee, Lunglei District chuan Phairuang a Sangha khawina hmunpui tur tlawhin Department hnathawkte hmalak dan tur ruahmanna a siam pui.

Pu Lawmawma Tochhawng hian Lunglei leh Tlabung inkara awm Phairuangkai khaw dai a, Fisheries Department in Sangha khawina tura dil an chei chhoh mek a en a, helai hmun hi Zofishfed in kum 10 an lo hawh tawh, nikuma Fisheries Department-in an laklet a ni a, sangha dil chhawng thum a siam turin ruahmanna a kal mek.

Rotlang West khaw daia Major lui khuah a, Mizoram sangha pangngaite khawina hmun tura tih pawh HPC Vice Chairman hian a en a, Pu Zohmingthanga District Fisheries Development Officer in a zui a Major lui hi Sangha khawina atana khuah tlak niin an hria a, an khuap dawn a nih chuan HPC Lunglei fund hmanga hmalak a ni ang.

Zawlpui a tunhmaa HPC in sangha tihkeuna tura hma a lo lak, zawhfel loh chu siam chhunzawm tur a nih leh nih loh enin, Zawlpui a suspension bridge nikuma tuilianin a lak Zawlpui khawtlang hruaitute nen an en bawk.