Vawiin chawhma dar 11 khan Pi M. Zohmingthangi IAS, Lunglei Bawrhsap kaihhruaina hnuai ah kum 2010 October ni 2 atanga Faina Hapta hman dan tur chungchang ngaihtuah a ni.
Hemi ni 2 October, 2010 zing dar 7 ah Lunglei Super Market hmunah a hawnna inkhawm hi Bawrhsao ho ah neih nise Faina chungchang pawimawhzia inzirtirna neih nise tih a ni. Hemi hapta chhung hian school hrang hrang Primary atanga College thleng category 3 ah thenin neih nise tih a ni a. Office fai thlanna leh NGO office fai thlanna te Veng fai thlanna te Hotel leh Restaurant fai thlanna te uluk tak a neih tum a ni.
Heng bakah Chanchinbu atangin faina chungchanga ziak tha 3 te thlanna neih a ni bawk dawn a ni. Kumin hi Lunglei in Mizoram pum huap YMA General Conference an thlen dawn avangin kawng hrang hrang ah faina chungchangah leh thianghlimna ah Lunglei khawpui chhung a bik takin tan lak tum a ni.
A kharna hi ni 8 October,2010 chawhnu dar 1 ah Saikuti Hall Lunglei ah ropui taka neih a lawmman semna te neih tum a ni bawk.
Lunglei Town Area chhung bak ah hian Lunglei District ah R.D. Block fai ber bakah block hrang hrang a khaw fai thlanna te neih tum a ni bawk. Hetiang hian Tlabung Civil Sub-Division leh Hnahthial Sub-Division ah he faina hapta hi hman tir tum an ni.
