2625/2024-2025

2024 Khuangchawi thla ni 21: Lunglei District Bawrhsap Pu R. Lalṭhazuala chuan October ni 18, 2024 khan Sexual Harassment of Women at Workplace (Prevention, Prohibition and Redressal) Act, 2013 section 6 & section 7-in a phut anga Lunglei District tana Local Complaints Committee (LCC) din tawh siam remna thupek a chhuah a. He'ng mite hi LCC member atana ruat tharte chu an ni:

1) Dr H. Lalnunmawii, President, MHIP Sub-Headquarters, Lunglei - Chairperson

2) Pu C. Lalnunfela, District Programme Officer (Women & Child Development), Lunglei - Member Secretary

3) Pi Lalthansiami Hnamte, Chief Judicial Magistrate, Lunglei District - Member

4) Pi Vanlalpianpuii, Farm Veng, Lunglei - Member

5) Pu K. Lalfakzuala, President, Sub-Headquarters YMA, Lunglei - Member

He Committee-ah hian Lunglei District chhunga thawktu sawm awm tlin loh avanga Internal Complaints Committee (ICC) din theih lohna hna thawhna hmuna thawktu hmeichhiate'n mipat hmeichhiatna rawng kaia chhaih leh zar buai an tawh chuan lungawi lohna/complaint an thlen thei dawn a. ICC dinnaa thawktute pawhin anmahni ruaitu/hotu ber aṭanga harsatna an tawk a nih chuan LCC-ah hian complaint an theh lut thei bawk ang a. Lunglei DC-in Lunglei District chhunga he dan hnuaia Nodal Officer a ruatte'n LCC-ah hian an complaint dawnte an thawn chhawng thei bawk ang. He Committee hian Lunglei District pum pui a huam dawn a ni.