No.2937/2020-2020

Lunglei District-ah Quarantine Facility-a khung hran mek zat chu vawiin chhun dar 12:00 thleng khan mi 124 an ni a. An zavaiin sawrkar Quarantine Centre/DCHC/CCC-a awm an ni. An zinga mi 10-te hi Covid-19 positive, CCC-SIRD, Pukpuia enkawl lai an ni

Nimin chhun dar 12 leh vawiinah chhun dar 12 inkar khan Lunglei District ah quarantine atanga thlah zalen an awmlo. Hemi hun chhung vek hian quarantine thar mi 11 awmin an zinga mi 8-te hi State pawn atanga lo haw niin mi pathum (3) dangte hi Covid-19 positive-te Contact Tracing kal mek avanga khunghran an ni.

Covid-19 positive-te Contact tracing neih mek zel niin positive contact-te swab sample lak kim a ni tawh a. Positive contact-te nena contact nei (contact line list) pawh chhui nghal niin H&FW staff-te veng hrang hrang ah kalin vawiin hian swab sample lak kim tum a ni. Swab sample test tur a tam avangin vawiin khan ZMC Laboratory-a test turin sample 70 thawn phei a ni.

Nimin (09/07/2020) khan Lunglei Civil Hospital TrueNAT laboratory-ah swab sample 22 test niin result a negative vek a ni. Nimin lama test te hi positive contact te an ni hlawm a, PC PHARMACY a thawk BSF positive ten malaria an lo exam tirna te, Bazar veng chawhmeh zuar BSF ho thil leina te, Rahsiveng chawhmeh zuar BSF ho thil leina te niin an sample test a negative vek a ni. BSF ho contact bakah hian Lawngtlai district a positive ten an bike ke an siam tirna hmuna thawk te pawh nimin test result chhuakah hian telin an negative vek a ni.