No.3007/2020-2020
Lunglei District-ah Quarantine Facility-a khung hran mek zat chu vawiin chhun dar 12:00 thleng khan mi 130 an ni a. An zavaiin sawrkar Quarantine Centre/DCHC/CCC-a awm an ni.
Nimin 11.7.2020 khan Lunglei Truenat lab-a sample 28 test zingah 1 a positive a; Mipa kum 34 mi, Melte a BSF cook, positive contact a ni. Sample test negative ta zingah hian BSF mi 4 dang bakah positive contact mi 23, PC Pharmacy-a inentir te an tel bawk. BSF Covid-19 positive-te contact tracing neihah swab sample test tur a tam avangin 10/07/2020 khan ZMC Laboratory-a test turin sample 70 thawn phei a ni a. Heng contact tracing swab sample 70-te hi nimin (11/07/2020) khan ZMC Laboratory ah test niin a zavaiin result a negative a ni.
Covid-19 positive hmuhchhuah thar hi CCC-SIRD, Pukpuiah tukin khan dah luh nghal niin tun dinhmunah Lunglei District - ah Covid-19 positive enkawl mek mi 11 an awm.
Nimin chhun dar 12 leh vawiinah chhun dar 12 inkar khan Lunglei District ah quarantine atanga thlah zalen an awmlo. Hemi hun chhung vek hian quarantine thar mi panga (5) awmin an zavaiin State pawn atanga lo haw an ni.
